మీకు తేలుసా

చలనం లేదా గమనం: ఒక వస్తువు తన పరిసరాలను బట్టి నియమిత కాలంలో తన స్థానాన్ని మార్చుకోవడాన్ని ‘చలనం’ లేదా ‘గమనం’ అంటారు.

గమనం – నిశ్చిల స్థితి

చలనం లేదా గమనం: ఒక వస్తువు తన పరిసరాలను బట్టి నియమిత కాలంలో తన స్థానాన్ని మార్చుకోవడాన్ని ‘చలనం’ లేదా ‘గమనం’ అంటారు.

నిశ్చల స్థితి : ఒక వస్తువు స్థానం పరిసరాలను బట్టి నియమిత కాలంలో మారకుండా ఉన్నట్లయితే
ఆ వస్తవు నిశ్చలస్థితిలో ఉన్నదని అంటారు. ఒక వస్తువు ఒకే సమయంలో కొన్ని వస్తువులతో పోల్చినపుడు స్థిరంగాను, కొన్ని వస్తువులతో పోల్చినపుడు చలనంలోనూ ఉంటుంది.

ఉదా: రైలులో ప్రయాణిస్తున్న ఇద్దరు వ్యక్తులు ఒకరినొకరు నిశ్చలస్థితిలో ఉన్నట్లుగా అనిపిస్తారు. ఆ ఇద్దరు రైలు బయట ఉన్న వారికి చలనంలో ఉన్నట్లు అనిపిస్తారు. చలనం అనేది గమనించే వ్యక్తిని బట్టి సాపేక్షంగా ఉంటుంది

క్రమచలనం: ఒక వస్తువు సమాన కాలవ్యవధుల్లో సమాన దూరాలు ప్రయాణిస్తే అది  క్రమచలనంలో ఉన్నదని అంటారు.

ఉదా: స్థిర వేగంతో కదులుతున్న కారు క్రమరహిత చలనం: ఒక వస్తువు సమాన కాలవ్యవధుల్లో సమాన దూరాలు ప్రయాణించకపోతే అది క్రమరహిత చలనంలో ఉన్నదని అంటారు.

ఉదా: ఎగురుతున్న సీతాకోక చిలుక చలనం

చలనాలు రకాలు : చలనాలు వివిధ రకాలుగా ఉంటాయి. అవి.

1) స్థానాంతర చలనం లేదా రేఖీయ చలనం
2) భ్రమణ చలనం
3) డోలన చలనం 4) కంపన చలనం

స్థానాంతర చలనం: ఒక స్థానం నుంచి మరొక స్థానానికి రుజు మార్గంలో కాని, వక్ర మార్గంలోకాని వస్తువు కదలడాన్ని స్థానాంతర చలనం అంటారు.

ఉదా: నడిచే మనిషి, సైకిల్‌, బస్సు, కారు మొదలైన వాటి చలనాలు భ్రమణ చలనం వస్తువు కేంద్రం నుంచి నిర్ణీత దూరంలో కేంద్రం చుట్టూ పదే పదే తిరుగుతూ ఉంటుంది. ఈ రకమైన చలనాన్ని భ్రమణ చలనం అంటారు.

ఉదా: రంగుల రాట్నం తిరిగేటప్పుడు కలిగే చలనం, ఫ్యాన్‌ చలనం, గడియారం ముల్లు చలనం డోలన

చలనం: వస్తువు ఒక మధ్య సానం నుంచి ఇరువైపులా పదే పదే చలిస్తుంటే డోలన చలనం అంటారు.

ఉదా: గడియారం లోలకం (పెడ్యులం) కదలిక. డోలన చలనాన్ని మొట్టమొదట గమనించిన శాస్త్రవేత్త
గెలీలియో కంపన చలనం: ఒక కణం స్థిర బిందువు నుంచి లేదా మధ్యమ స్థానం నుంచి రుజు మార్గంలో ముందు వెనుకకు కదిలే చలనాన్ని కంపన చలనం అంటారు.

ఉదా: వీణ, గిటారులోని తీగలు కంపింప జేసినపుడు అవి చేసే చలనం, తుమ్మెద వంటి కీటకాల రెక్కల కదలిక.