Nehal Vadoliya | రాజస్థాన్ రాయల్స్ క్రికెటర్‌పై న‌టి సంచలన వ్యాఖ్యలు.. నాకు ఫ్లర్టింగ్ మెసేజ్‌లు పంపేవాడంటూ కామెంట్

Nehal Vadoliya | ప్రముఖ నటి, మోడల్ నెహాల్ వదోలియా మరోసారి తన వ్యాఖ్యలతో సోషల్ మీడియాలో చర్చనీయాంశంగా మారింది. ఇటీవల గుజరాతీ నటుడు కరణ్ జోషిపై సంచలన ఆరోపణలు చేసిన ఆమె, తాజాగా ఓ ఐపీఎల్ క్రికెటర్ తనకు సోషల్ మీడియాలో ఫ్లర్టింగ్ మెసేజ్‌లు పంపాడంటూ చేసిన వ్యాఖ్యలు ఇప్పుడు వైరల్ అవుతున్నాయి. అయితే ఆ క్రికెటర్ పేరు మాత్రం వెల్లడించకుండా కొన్ని హింట్లు ఇవ్వడంతో నెటిజన్లు అతను ఎవరనే దానిపై ఊహాగానాలు మొదలుపెట్టారు.

Nehal Vadoliya | ప్రముఖ నటి, మోడల్ నెహాల్ వదోలియా మరోసారి తన వ్యాఖ్యలతో సోషల్ మీడియాలో చర్చనీయాంశంగా మారింది. ఇటీవల గుజరాతీ నటుడు కరణ్ జోషిపై సంచలన ఆరోపణలు చేసిన ఆమె, తాజాగా ఓ ఐపీఎల్ క్రికెటర్ తనకు సోషల్ మీడియాలో ఫ్లర్టింగ్ మెసేజ్‌లు పంపాడంటూ చేసిన వ్యాఖ్యలు ఇప్పుడు వైరల్ అవుతున్నాయి. అయితే ఆ క్రికెటర్ పేరు మాత్రం వెల్లడించకుండా కొన్ని హింట్లు ఇవ్వడంతో నెటిజన్లు అతను ఎవరనే దానిపై ఊహాగానాలు మొదలుపెట్టారు. ఇటీవల ఓ ఇంటర్వ్యూలో పాల్గొన్న నెహాల్ వదోలియా తన వ్యక్తిగత అనుభవాల గురించి మాట్లాడింది. ఈ సందర్భంగా ఆమె మాట్లాడుతూ.. రాజస్థాన్ రాయల్స్ జట్టుకు ఆడిన ఓ క్రికెటర్ తన సోషల్ మీడియా పోస్టులకు తరచూ స్పందించేవాడని తెలిపింది. తాను పోస్ట్ చేసే ఫొటోలు, స్టేటస్‌లపై “హాట్”, “బ్యూటిఫుల్”, “ప్రెట్టీ” వంటి కామెంట్లు పంపిస్తూ తనతో సన్నిహితంగా మాట్లాడేందుకు ప్రయత్నించేవాడని చెప్పింది.

అయితే ఆ ఆటగాడు ప్రస్తుతం విడాకులు తీసుకున్న వ్యక్తి అని కూడా నెహాల్ వెల్లడించింది. అతను చాలా పెద్ద స్టార్ క్రికెటర్ కాదని, కానీ ఐపీఎల్‌లో రాజస్థాన్ రాయల్స్ తరఫున ఆడాడని చెప్పడంతో సోషల్ మీడియాలో చర్చ మరింత వేడెక్కింది. ఆ వ్యాఖ్యలతో అభిమానులు, నెటిజన్లు ఆ క్రికెటర్ ఎవరో గుర్తించే ప్రయత్నాలు ప్రారంభించారు. ఇంటర్వ్యూలో హోస్ట్ మరిన్ని వివరాలు అడగగా, “నేను ఇప్పుడు అతనికి ఒక మెసేజ్ పంపితే మళ్లీ నాతో మాట్లాడటం మొదలుపెడతాడు. కానీ నాకు అతనితో మాట్లాడాలనే ఆసక్తి లేదు” అని నెహాల్ స్పష్టం చేసింది. అతని ప్రవర్తన తనకు నచ్చకపోవడంతో చివరకు సోషల్ మీడియాలో బ్లాక్ చేసినట్లు కూడా వెల్లడించింది.

నెహాల్ చేసిన వ్యాఖ్యలు బయటకు రావడంతో సోషల్ మీడియాలో రకరకాల ఊహాగానాలు మొదలయ్యాయి. కొందరు అభిమానులు రాజస్థాన్ రాయల్స్ మాజీ ఆటగాళ్ల పేర్లను ప్రస్తావిస్తుండగా, మరికొందరు విడాకులు తీసుకున్న క్రికెటర్ల జాబితాను పరిశీలిస్తూ చర్చలు చేస్తున్నారు. ముఖ్యంగా ఐపీఎల్ అభిమానుల మధ్య ఈ అంశం పెద్ద చర్చకు దారితీసింది. అయితే ఇప్పటివరకు నెహాల్ వదోలియా ఆ క్రికెటర్ పేరు నేరుగా వెల్లడించలేదు. అలాగే ఆమె చేసిన ఆరోపణలపై ఏ క్రికెటర్ స్పందించలేదు. ఇక నెహాల్ వదోలియా గత కొంతకాలంగా తన వ్యక్తిగత జీవితానికి సంబంధించిన పలు విషయాలను బహిరంగంగా చెబుతూ వార్తల్లో నిలుస్తోంది. తాజాగా చేసిన ఈ వ్యాఖ్యలు కూడా సోషల్ మీడియా వేదికగా పెద్ద ఎత్తున వైరల్ అవుతున్నాయి. అయితే సంబంధిత వ్యక్తి పేరు బయటకు వచ్చే వరకు ఈ వ్యవహారంపై స్పష్టత వచ్చే అవకాశం కనిపించడం లేదు.