‘ఎస్‌ఎస్‌సీ’ 8326 ఖాళీలు

‘ఎస్‌ఎస్‌సీ’ 8326 ఖాళీలు

• పదోతరగతితో కేంద్రంలో కొలువులు
• ఎంటీఎస్‌, హవల్దార్‌ పోస్టులు
• తెలుగు, ఉర్దూలో కూడా పరీక్ష రాయవచ్చు
• కేంద్రంలోని వివిధ మంత్రిత్వ శాఖలు/కార్యాలయాల్లో కింది పోస్టుల భర్తీకి స్టాఫ్‌ సెలక్షన్‌ కమిషన్‌ (ఎస్‌ఎస్‌స్సీ) ప్రకటన విడుదల చేసింది.
• మొత్తం ఖాళీలు: 8326
• పోస్టుల వారీగా ఖాళీలు: మల్టీ టాస్కింగ్‌ (నాన్‌ టెక్నికల్‌) స్టాఫ్‌ – 4887, హవల్దార్‌ (గ్రూప్‌ సీ నాన్‌ మినిస్టీరియల్‌)- 3439 ఖాళీలు ఉన్నాయి
• అర్హతలు: గుర్తింపు పొందిన బోర్డు/సంస్థ నుంచి పదోతరగతి లేదా మెట్రిక్యులేషన్‌ లేదా తత్సమాన కోర్సు ఉత్తీర్ణులైన వారు అర్హులు
• వయస్సు: 2024, ఆగస్టు 1 నాటికి ఎంటీఎస్‌ పోస్టులకు 18- 25 ఏండ్లు, హవల్దార్‌ పోస్టులకు 18- 27 ఏండ్ల మధ్య ఉండాలి. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు, పీహెచ్‌సీలకు పదేండ్లు వయోపరిమితిలో సడలింపు ఉంటుంది.

ఎంపిక విధానం ఎంటీఎస్‌ పోస్టులకు

• కంప్యూటర్‌ బేస్డ్‌ ఎగ్జామినేషన్‌ను నిర్వహిస్తారు

హవల్దార్‌ పోస్టులకు

• కంప్యూటర్‌ బేస్డ్‌ ఎగ్జామ్‌, ఫిజికల్‌ ఎఫిషియన్సీ టెస్ట్‌ (పీఈటీ)/ఫిజికల్‌ స్టాండర్డ్‌ టెస్ట్‌ (పీఎస్‌టీ) ద్వారా
• కంప్యూటర్‌ బేస్డ్‌ ఎగ్జామ్‌ను ఇంగ్లిష్‌/హిందీతోపాటు 13 స్థానిక భాషల్లో కూడా నిర్వహిస్తారు.
• తెలుగులో కూడా పరీక్ష రాయవచ్చు
• ఈ పరీక్ష ఆబ్జెక్టివ్‌ టైప్‌, మల్టిపుల్‌ చాయిస్‌ విధానంలో ఉంటుంది.
• సీబీఈలో రెండు సెషన్లు ఉంటాయి.
• మొదటి సెషన్‌లో న్యూమరికల్‌ అండ్‌ మ్యాథమెటికల్‌ ఎబిలిటీ, రీజనింగ్‌ ఎబిలిటీ ప్రాబ్లమ్‌ సాల్వింగ్‌పై ప్రశ్నలు ఇస్తారు
• పరీక్ష కాలవ్యవధి 45 నిమిషాలు.
• ప్రశ్నల సంఖ్య 40. మార్కులు 120
• సెషన్‌-2లో జనరల్‌ అవేర్‌నెస్‌ నుంచి 25 ప్రశ్నలు, ఇంగ్లిష్‌ లాంగ్వేజ్‌ అండ్‌ కాంప్రహెన్షన్‌ నుంచి 25 ప్రశ్నలు ఇస్తారు. మొత్తం 150 మార్కులు. అంటే ఒక్క ప్రశ్నకు 3 మార్కులు.
• పరీక్ష కాలవ్యవధి 45 నిమిషాలు

నోట్‌: సెషన్‌-1లో నెగెటివ్‌ మార్కింగ్‌ విధానం లేదు. సెషన్‌-2లో నెగెటివ్‌ మార్కింగ్‌ విధానం ఉంది. ప్రతి తప్పు జవాబుకుఒక మార్కును కోతవిధిస్తారు.

పీఈటీ

• హవల్దార్‌ పోస్టులకు నిర్వహించే పీఈటీలో పురుషులు 1600 మీటర్ల దూరాన్ని 15 నిమిషాల్లో నడవాలి. మహిళలు అయితే ఒక కిలోమీటరు దూరాన్ని 20 నిమిషాల్లో నడవాలి.

ఫిజికల్‌ స్టాండర్డ్‌ టెస్ట్‌ (పీఎస్‌టీ)

• పురుషులు కనీసం 157.5 సెంమీ. ఎత్తు ఉండాలి. ఛాతీ 81 సెం.మీ. గాలి పీల్చినప్పుడు కనీసం ఐదు సెం.మీ వ్యాకోచించాలి.
• మహిళలు అయితే 152 సెం.మీ. ఎత్తు ఉండాలి. బరువు 48 కేజీలు ఉండాలి.

ముఖ్యతేదీలు

• దరఖాస్తు: ఆన్‌లైన్‌లో
• చివరితేదీ: జూలై 31
• పరీక్ష తేదీలు: అక్టోబర్‌/నవంబర్‌ 2024
• రాష్ట్రంలో పరీక్ష కేంద్రాలు: హైదరాబాద్‌, కరీంనగర్‌, వరంగల్‌
• వెబ్‌సైట్‌: https://ssc.gov.in

హెచ్‌సీఎల్‌లో…

హిందుస్థాన్‌ కాపర్‌ లిమిటెడ్‌ (హెచ్‌సీఎల్‌)లో కింది
పోస్టుల భర్తీకి ప్రకటన విడుదలైంది.
మొత్తం ఖాళీలు: 56
పోస్టులు: జూనియర్‌ మేనేజర్‌
విభాగాలు: మైనింగ్‌, ఎలక్ట్రికల్‌, కంపెనీ సెక్రటరీ, ఫైనాన్స్‌, హెచ్‌ఆర్‌
దరఖాస్తు: ఆన్‌లైన్‌లో
చివరితేదీ: జూలై 22
వెబ్‌సైట్‌: www.hindustancopper.com