న్యూఢిల్లీ: ప్రభుత్వరంగ సంస్థ అయిన ఇండియన్ బ్యాంక్ (Indian Bank) స్పెషలిస్ట్ ఆఫీసర్ పోస్టుల భర్తీకి నోటిఫికేషన్ విడుదల చేసింది. ఆసక్తి కలిగినవారు వచ్చే నెల 14 వరకు ఆన్లైన్లో దరఖాస్తు చేసుకోవచ్చు. ఈ నోటిఫికేషన్ ద్వారా మొత్తం 312 పోస్టులను భర్తీ చేస్తున్నది. ఇందులో సీనియర్ మేనేజర్, మేనేజర్, అసిస్టెంట్ మేనేజర్ పోస్టులు ఉన్నాయి. రాతపరీక్ష ద్వారా అభ్యర్థులను ఎంపిక చేయనున్నారు. ఫ్రెషర్స్ అయిన అభ్యర్థులు అసిస్టెంట్ మేనేజర్ పోస్టులకు దరఖాస్తు చేసుకోవచ్చు, అనుభవం ఉన్నవారు సీనియర్ మేనేజర్, మేనేజర్, చీఫ్ మేనేజర్ పోస్టులకు అర్హులు.
మొత్తం ఖాళీలు: 312
ఇందులో సీనియర్ మేనేజర్ 32, మేనేజర్ 114, అసిస్టెంట్ మేనేజర్ 157, చీఫ్ మేనేజర్ 3 చొప్పను ఖాళీలు ఉన్నాయి.
అర్హతలు: ఒక్కోపోస్టుకు ఒక్కోవిధంగా ఉన్నాయి. అయితే అభ్యర్థులు సీఏ, ఐసీడబ్ల్యూఏ, సీఎస్, డిగ్రీ, బీఈ, బీటెక్, ఎంటెక్, కంప్యూటర్స్లో ఎంఈ చేసి ఉండాలి. సంబంధిత విభాగంలో అనుభవం తప్పనిసరి.
ఎంపిక ప్రక్రియ: రాతపరీక్ష, ఇంటర్వ్యూ
దరఖాస్తు విధానం: ఆన్లైన్లో
అప్లికేషన్ ఫీజు: రూ.850, ఎస్సీ, ఎస్టీ, పీడబ్ల్యూడీ అభ్యర్థులకు రూ.175
దరఖాస్తులకు చివరితేదీ: జూన్ 14
వెబ్సైట్: www.indianbank.in