స‌చిన్‌.. నువ్వు కొవిడ్‌నూ సిక్స్ కొట్ట‌గ‌ల‌వు: వ‌సీం అక్ర‌మ్‌

April 2, 2021 / 04:24 PM IST

ఇస్లామాబాద్‌: స‌చిన్‌.. 16 ఏళ్ల వ‌య‌సులోనే నువ్వు ప్ర‌పంచ అత్యుత్తమ బౌల‌ర్ల‌తో పోరాటం చేసిన యోధుడివి. నువ్వు క‌చ్చితంగా కొవిడ్‌-19ను సిక్స్ కొట్ట‌గ‌ల‌వు అని పాకిస్థాన్ మాజీ పేస్ బౌల‌ర్ వ‌సీం అక్ర‌మ్ అన్నాడు. క‌రోనా సోకిన ఆరు రోజుల త‌ర్వాత తాను వైద్య సిబ్బంది స‌ల‌హా మేర‌కు ఆసుప‌త్రిలో చేరిన‌ట్లు స‌చిన్ చేసిన ట్వీట్‌కు అక్ర‌మ్ బ‌దులిచ్చాడు. నువ్వు కేవ‌లం 16 ఏళ్ల వ‌య‌సు ఉన్న‌ప్పుడు ప్ర‌పంచ అత్యుత్త‌మ బౌల‌ర్ల‌ను ఎంతో ధైర్యంగా ఎదుర్కొన్నావు. అలాగే నువ్వు క‌చ్చితంగా కొవిడ్‌ను సిక్స్ కొట్ట‌గ‌ల‌వు. త్వ‌ర‌గా కోలుకో మాస్ట‌ర్‌. ఇండియా 2011 వ‌రల్డ్‌క‌ప్ విజ‌యాన్ని నువ్వు డాక్ట‌ర్లు, ఆసుపత్రి సిబ్బందితో జ‌రుపుకుంటావ‌ని ఆశిస్తున్నా. నాకు కూడా ఓ ఫొటో పంపించు అని అక్ర‌మ్ ట్వీట్ చేశాడు.

1990ల్లో వ‌సీం అక్ర‌మ్‌, స‌చిన్ టెండూల్క‌ర్ మ‌ధ్య క్రికెట్ ఫీల్డ్‌లో మంచి పోటీ ఉండేది. ఇండియా, పాకిస్థాన్ మ్యాచ్ జ‌రిగిన‌ప్పుడ‌ల్లా స‌చిన్‌, వ‌సీంల‌లో ఎవ‌రిది పైచేయి అవుతుందో అన్న ఆస‌క్తి ఇరు దేశాల అభిమానుల్లో క‌నిపించేది. చాలాసార్లు ఈ లెఫ్టామ్ పేస్‌బౌల‌ర్‌పై స‌చిన్‌దే పైచేయిగా నిలిచింది.

Even when you were 16, you battled world’s best bowlers with guts and aplomb… so I am sure you will hit Covid-19 for a SIX! Recover soon master! Would be great if you celebrate India’s World Cup 2011 anniversary with doctors and hospital staff… do send me a pic! https://t.co/ICO3vto9Pb
— Wasim Akram (@wasimakramlive) April 2, 2021