మాజీ మంత్రి హరీశ్‌ రావు అరెస్ట్‌ అక్రమం : వెంకటేశ్వర్‌రెడ్డి

భూ ఆక్రమణలను వెలికి తీస్తూ ప్రజాసమస్యలపై నిరంతరం పోరాటం చేస్తున్న మాజీ మంత్రి హరీశ్‌ రావుని పోలీసులు అరెస్ట్‌ చేయడాన్ని ఖండిస్తున్నామని బీఅర్‌ఎస్ జిల్లా సీనియర్‌ నాయకుడు చల్లా వెంకటేశ్వర్‌రెడ్డి అన్నారు.

హనుమకొండ చౌరస్తా, ఏప్రిల్‌ 7: భూ ఆక్రమణలను వెలికి తీస్తూ ప్రజాసమస్యలపై నిరంతరం పోరాటం చేస్తున్న మాజీ మంత్రి హరీశ్‌ రావుని పోలీసులు అరెస్ట్‌ చేయడాన్ని ఖండిస్తున్నామని బీఅర్‌ఎస్ జిల్లా సీనియర్‌ నాయకుడు చల్లా వెంకటేశ్వర్‌రెడ్డి అన్నారు. వికారాబాద్‌ జిల్లా పరిగి నియోజకవర్గంలో ఇండస్ట్రీయల్‌ పార్క్​‍ పేరిట దళిత, గిరిజన, బలహీన వర్గాల భూములను సందర్శించడానికి వెళ్లకుండా అక్రమంగా అరెస్ట్‌ చేయడం వారి అవివేకానికి నిదర్శనమన్నారు.

ముఖ్యమంత్రి మేం ఎవరిని అరెస్టు చేయడంలేదు స్వేచ్ఛగా తిరిగే హక్కు ఉందని, మమ్ములను విమర్శించినా అధికారం ఉపయోగించడంలేదని చెప్పిన 24 గంటలు గడవకముందే బీఆర్‌ఎస్ నేతలను ఎందుకు అరెస్ట్‌ చేశారో ముఖ్యమంత్రి రేవంత్‌రెడ్డి సమాధానం చెప్పాలని డిమాండ్‌ చేశారు. ప్రజా కోర్టులో ఈ ప్రజావంచక కాంగ్రెస్ ప్రభుత్వానికి శిక్ష తప్పదని వెంకటేశ్వర్‌రెడ్డి హెచ్చరించారు.