TTD SED Tickets | తిరుమల శ్రీవారి భక్తులకు గుడ్‌న్యూస్‌.. రేపు ప్రత్యేక ప్రవేశ దర్శనం టికెట్లు విడుదల

TTD SED Tickets | తిరుమల శ్రీవారి భక్తులకు గుడ్‌న్యూస్‌ చెప్పింది. రూ.300 ప్రవేశ దర్శనం టికెట్లను ఈ నెల 24న విడుదల చేయనున్నట్లు తెలిపింది. ఫిబ్రవరి మాసానికి సంబంధించిన కోటాను శుక్రవారం ఉదయం 10 గంటలకు ఆన్‌లైన్‌లో అందుబాటులో ఉంచనున్నట్లు పేర్కొంది.

TTD SED Tickets | తిరుమల శ్రీవారి భక్తులకు గుడ్‌న్యూస్‌ చెప్పింది. రూ.300 ప్రవేశ దర్శనం టికెట్లను ఈ నెల 24న విడుదల చేయనున్నట్లు తెలిపింది. ఫిబ్రవరి మాసానికి సంబంధించిన కోటాను శుక్రవారం ఉదయం 10 గంటలకు ఆన్‌లైన్‌లో అందుబాటులో ఉంచనున్నట్లు పేర్కొంది. అలాగే ఫిబ్రవరి మాసానికి సంబంధించిన వసతి గదుల కోటాను సైతం శుక్రవారమే విడుదల చేయనున్నది.

తిరుమల, తిరుపతిలోని వసతి గదుల టికెట్లను మధ్యాహ్నం 3 గంటలకు విడుదల చేయనున్నట్లు తెలిపింది. ఈ మేరకు భక్తులు గమనించి టికెట్లను ttdevasthanams.ap.gov.in వెబ్‌సైట్‌లో బుక్‌ చేసుకోవాలని కోరింది. ఇదిలా ఉండగా.. ఫిబ్రవరి 16న జరిగే రథసప్తమి రోజున శ్రీవారి సన్నిధిలో సేవలందించే వలంటీర్ల కోసం స్లాట్లను 27న ఉదయం 10 గంటలకు అందుబాటులోకి తీసుకురానున్నట్లు తెలిపింది.

18 ఏళ్ల నుంచి 50 ఏళ్ల మధ్య వయసు ఉన్నవారు మాత్రమే బుక్‌ చేసుకోవచ్చని పేర్కొంది. శ్రీవారి సేవ, నవనీత సేవల్లో పాల్గొనే వలంటీర్ల కోసం స్లాట్లను 27న మధ్యాహ్నం 12 గంటలకు విడుదల చేయనున్నట్లు పేర్కొంది. మధ్యాహ్నం 3 గంటలకు పరాకమణి సేవలో పాల్గొనే వలంటీర్లకు ఆన్‌లైన్‌లో స్లాట్లను కేటాయించనున్నట్లు తిరుమల తిరుపతి దేవస్థానం వివరించింది.