ఈ పండు కిలో 20 లక్షలు!

టోక్యో: కిలో పుచ్చకాయకు ఎంత ధర ఉండొచ్చు. మహా అయితే వంద రూపాయలు. అయితే, 43 తులాల బంగారం లేదా రెండు, మూడెకరాల భూమిని అమ్మితేగానీ కొనలేని ఓ పండు ఉందంటే నమ్మగలరా? కానీ, నమ్మాల్సిందే. జపాన్‌లో ‘యుబారి’ అనే పుచ్చకాయ కొనుగోలు చేయాలంటే రూ. 20 లక్షలు ఖర్చుచేయాల్సిందే! అందుకే ప్రపంచంలోనే అత్యంత ఖరీదైన పండుగా ఇది గుర్తింపు పొందింది. జపాన్‌లోని యుబారి ప్రాంతంలో ఈ పుచ్చకాయ పెరుగుతుంది. వాయుకాలుష్యం ప్రవేశించని గ్రీన్‌హౌస్‌ లోపల.. సూర్యకాంతిలో ప్రత్యేక పరిస్థితుల్లో ఈ పండును పెంచుతారు. రసాయనాలను వినియోగించకుండా పండించిన ఈ పుచ్చకాయలో శరీరానికి మేలు చేసే ఎన్నో ప్రొటీన్లు ఉంటాయట.