జీపీ కార్యదర్శులకు ప్రమోషన్లు ఎప్పుడు?
పంచాయతీ కార్యదర్శులకు ప్రమోషన్ల విషయంలో కాం గ్రెస్ ప్రభుత్వం జాప్యం చేస్తున్నట్టు విమర్శలు వ్యక్తమవుతున్నాయి. జీపీల ఆదాయాన్ని బట్టి కార్యదర్శుల క్యాడర్ను నాలుగు గ్రేడ్లుగా విభజిస్తూ పంచాయతీరాజ్ శాఖ ప్రభుత్వానికి ప్రతిపాదనలు పంపి నెలలు గడుస్తున్నా ఇప్పటివరకు నిర్ణయం తీసుకోలేదు.
- ఏడు నెలలైనా గ్రేడింగ్పై తేల్చని ప్రభుత్వం
- గ్రామాల ఆదాయాన్ని బట్టి నాలుగు గ్రేడ్లుగాకార్యదర్శుల క్యాడర్ విభజనకు సిఫార్సులు
- 12,760 పోస్టులతో కొత్త క్యాడర్ రూపకల్పన
- ఉద్యోగోన్నతులు వస్తే 1,300 పోస్టులకు మార్గం
హైదరాబాద్, నవంబర్ 21 (నమస్తే తెలంగాణ): పంచాయతీ కార్యదర్శులకు ప్రమోషన్ల విషయంలో కాం గ్రెస్ ప్రభుత్వం జాప్యం చేస్తున్నట్టు విమర్శలు వ్యక్తమవుతున్నాయి. జీపీల ఆదాయాన్ని బట్టి కార్యదర్శుల క్యాడర్ను నాలుగు గ్రేడ్లుగా విభజిస్తూ పంచాయతీరాజ్ శాఖ ప్రభుత్వానికి ప్రతిపాదనలు పంపి నెలలు గడుస్తున్నా ఇప్పటివరకు నిర్ణయం తీసుకోలేదు. ఏప్రిల్ 15న పంచాయతీరాజ్, గ్రామీణాభివృద్ధి శాఖ కమిషనర్ దివ్య ప్రభు త్వ ప్రత్యేక ప్రధాన కార్యదర్శికి సమర్పించిన నివేదికపై నేటికీ కదలిక లేక కార్యదర్శులకు నిరీక్షణ తప్పడం లేదు. ప్రస్తుతం కార్యదర్శుల క్యాడర్ విభజనలో ఉన్న విధానానికి బదులు జీపీ యూనిట్గా గ్రేడింగ్ చేయాలని అధికారులు ప్రతిపాదించారు. ప్రతి జీపీకి ఒక కార్యదర్శి ఉండేలా వీటిని రూపొందించారు.
12,760 పోస్టులతో కొత్త క్యాడర్ ప్రతిపాదన
ఈ గ్రేడింగ్ ప్రకారం రాష్ట్రవ్యాప్తంగా 12,760 పోస్టులను ప్రతిపాదించారు. గ్రేడ్-1లో 945, గ్రేడ్-2లో 1,258, గ్రేడ్-3లో 3,769, గ్రేడ్-4లో 6,788 పోస్టులు ఉండనున్నాయి. ప్రస్తుత క్యాడర్ నిర్మాణంలో మార్పులు చేసి, జీపీల ఆదాయానికి అనుగుణంగా కార్యదర్శుల హోదా నిర్ణయించనున్నారు. ఈ విధానం అమల్లోకి వస్తే కార్యదర్శుల సర్వీసు వ్యవస్థలో మార్పులతోపాటు ప్రమోషన్లకు స్పష్టమైన మార్గం ఏర్పడుతుంది. ఉద్యోగోన్నతుల ప్రక్రియ పూర్తయితే వివిధ గ్రేడ్లలో ఏర్పడే ఖాళీలను భర్తీ చేయడంతోపాటు కొత్త కార్యదర్శి పోస్టుల భర్తీకి కూడా మార్గం సుగమం కానున్నది. సుమారు 1,300 అదనపు కార్యదర్శి పోస్టులకు అవకాశం ఉంటుందని ఉద్యోగ వర్గాలు భావిస్తున్నాయి. అయితే, ప్రతిపాదనలు పంపి ఏడు నెలలైనా ప్రభుత్వం నిర్ణయం తీసుకోకపోవడంపై ఉద్యోగ వర్గాలు మండిపడుతున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

