తమిళ ఎంట్రీకి సిద్ధం

పెళ్లిచూపులు, ఈ నగరానికి ఏమైంది వంటి చిత్రాలతో దర్శకుడిగా సత్తా చాటారు తరుణ్‌భాస్కర్‌. మరోవైపు నటుడిగా కూడా తనదైన ముద్రను వేస్తున్నారు. తాజాగా ఆయన తమిళ ఇండస్ట్రీలోకి అడుగుపెట్టేందుకు సిద్ధమవుతున్నారు.

పెళ్లిచూపులు, ఈ నగరానికి ఏమైంది వంటి చిత్రాలతో దర్శకుడిగా సత్తా చాటారు తరుణ్‌భాస్కర్‌. మరోవైపు నటుడిగా కూడా తనదైన ముద్రను వేస్తున్నారు. తాజాగా ఆయన తమిళ ఇండస్ట్రీలోకి అడుగుపెట్టేందుకు సిద్ధమవుతున్నారు. ప్రదీప్‌ రంగనాథన్‌ హీరోగా నటిస్తున్న ఓ తమిళ చిత్రంలో తరుణ్‌భాస్కర్‌ నెగెటివ్‌ షేడ్స్‌ ఉన్న పాత్రలో కనిపించనున్నారు.

ఈ విషయాన్ని ఆయన స్వయంగా వెల్లడించారు. వాస్తవానికి ఈ సినిమాలోని ఓ కీలక పాత్ర కోసం దర్శకుడు, నటుడు అశ్వత్‌ మారిముత్తును ఎంపిక చేశారు. అయితే ఆయన ప్రస్తుతం రజనీకాంత్‌తో ‘ధర్మన్‌’ చిత్రాన్ని రూపొందిస్తున్నారు. దీంతో పాటు ఇతర ప్రాజెక్ట్స్‌లతో బిజీగా ఉండటం వల్ల డేట్స్‌ సమస్యలు ఎదురయ్యాయని తెలిసింది. ఈ నేపథ్యంలో ఆయన స్థానంలో తరుణ్‌భాస్కర్‌ను తీసుకున్నట్లు తెలిసింది. ఈ చిత్రంలో ప్రదీప్‌రంగనాథన్‌ సరసన మమితాబైజు కథానాయికగా నటించనుంది.