Guru Gobind Singh: సంపాదనలో 10 వ వంతు దానం చేయమన్న గురు గోవింద్ సింగ్

Guru Gobind Singh : సిక్కుల పదవ గురువు, చివరి గురువు కూడా అయిన గురు గోవింద్‌ సింగ్‌ 1708 లో సరిగ్గా ఇదే రోజున వీర మరణం పొందారు. ఖల్సా పంత్‌ను...

October 7, 2021 / 12:56 PM IST

Guru Gobind Singh: సంపాదనలో 10 వ వంతు దానం చేయమన్న గురు గోవింద్ సింగ్

(Guru Gobind Singh) సిక్కుల పదవ గురువు, చివరి గురువు కూడా అయిన గురు గోవింద్‌ సింగ్‌ 1708 లో సరిగ్గా ఇదే రోజున వీర మరణం పొందారు. ఖల్సా పంత్‌ను స్థాపించి ‘5 కాకర్’ అందించిన మహాపురుషుడు ఆయన. ధైర్యవంతుడైన సాధువుగా పేరు తెచ్చుకున్నారు. యువతను సన్మార్గంలో నడిపేందుకు ఎన్నో ఉపదేశాలు చేశారు.

1666 డిసెంబర్‌ 22 న బిహార్‌లోని పాట్నా నగరంలో జన్మించిన గురు గోవింద్‌ సింగ్‌ వంటి వ్యక్తి ప్రపంచ చరిత్రలో అరుదుగా కనిపిస్తారు. మొఘలుల అణచివేతకు లొంగకుండా వారిని ధైర్యంగా ఎదుర్కొన్నారు. 1699 లో ఖల్సా పంత్‌ను స్థాపించి యువతను పోగుచేశారు. వారిలో ధైర్యం ప్రోది చేస్తూ మొఘలులపైకి దండెత్తారు. చివరకు 1708 అక్టోబర్ 7న మొఘలులతో జరిగిన యుద్ధంలో వీరమరణం పొందారు.

వాహె గురు జీ కా ఖల్సా, వహే గురు జీ కి ఫతే.. వంటి వాక్యాలు గురు గోవింద్ సింగ్ ధైర్యసాహసాలను గురించి చెప్తాయి. గురునానక్ 15 వ శతాబ్దంలో సిక్కు పంత్‌ను స్థాపించారు. గోవింద్ సింగ్ తండ్రి గురు తేజ్‌ బహదూర్ కూడా ఈ శాఖకు గురువుగా ఉన్నారు.

గురు గోవింద్ సింగ్ బోధనలు

ఆదాయంలో పదోవంతు దాతృత్వానికి విరాళంగా ఇవ్వండి.
ఎక్కువగా పని చేయండి. కష్టపడి పనిచేయండి.
సంపద, యువతను వదులుకోవద్దు. కులం, మతం గురించి యువత అహంకారంతో ఉండొద్దు.
గుర్బానీని జ్ఞాపకం పెట్టుకోవాలి. గుర్బానీని గుర్తుంచుకోండి.