Good touch – Bad touch | ఏది గుడ్‌.. ఏది బ్యాడ్‌?

అభంశుభం తెలియని చిన్నారులపై కామాంధుల కండ్లు పడుతున్నాయి. చాలా సందర్భాల్లో తెలిసిన వారి దుశ్చర్యే ఇది. ఈ తప్పు జరగకుండా ఉండాలంటే, మన పిల్లలకు ఏది గుడ్‌ టచ్‌, ఏది బ్యాడ్‌ టచ్‌.. అన్నది చెప్పాలి. తాకకూడని చోట ఎవరైనా తడిమితే, భయపడకుండా ‘డోంట్‌ టచ్‌ మీ’ అని గట్టిగా అరిచేలా తర్ఫీదు ఇవ్వాలి. ఈ మేరకు రాచకొండ పోలీస్‌ కమిషనర్‌ మహేశ్‌ భగవత్‌ తన ట్విటర్‌ ఖాతాలో ఓ సూచన పెట్టారు.

ఇదీ గుడ్‌ టచ్‌..

• చేతులను తాకినా, హ్యాండ్‌ షేక్‌ ఇచ్చినా.

ఇదీ బ్యాడ్‌ టచ్‌..

• మూతిపైన చేతులు వేయడం, పెదాలను తాకడం.
• ఛాతీపై చేతులు వేయడం, తడమడం.
• పిరుదులపై చేతులు వేయడం.
• రెండు కాళ్ల మధ్యలో తాకడం.

‘ఇష్టం లేదు’ అని చెప్పాల్సిందే!

• తల నిమిరినా, చేతులు వేసినా.
• ముఖంపై తడిమినా, బుగ్గలు గిల్లినా.
• మెడచుట్టూ చేతులు వేసినా.
• పొట్టపై చేతులు వేసినా.
• తొడలపై చేతులు వేసినా.
• కాళ్లను తాకుతున్నా.