దుర్మార్గుల వేటలో..

వరలక్ష్మీ శరత్‌కుమార్‌ ప్రధాన పాత్రలో నటిస్తున్న సినిమా ‘ఛేజింగ్‌’. ఏషియాసిన్‌ మీడియా, జీవీఆర్‌ ఫిల్మ్‌ మేకర్స్‌ పతాకాలపై జి వెంకటేశ్వరరావు, మదిలగన్‌ మునియండి నిర్మించారు. కె వీరకుమార్‌ దర్శకుడు. ఈ చిత్ర టీజర్‌ విడుదల కార్యక్రమం తాజాగా హైదరాబాద్‌లో జరిగింది. ఈ కార్యక్రమంలో దర్శకులు సముద్ర, సూర్య కిరణ్‌, రాష్ట్ర పద్మశాలి సంఘం ఉపాధ్యక్షుడు గుండు ప్రభాకర్‌ తదితరులు పాల్గొన్నారు.

ఈ సందర్భంగా నిర్మాతలు మాట్లాడుతూ…‘యాక్షన్‌ క్రైమ్‌ జానర్‌లో దర్శకుడు వీరకుమార్‌ విభిన్నమైన కథతో ఈ సినిమాను రూపొందించారు. ఇందులో వరలక్ష్మి శరత్‌కుమార్‌ నటన ప్రధాన ఆకర్షణ అవుతుంది. ఆమెను ఇప్పటివరకు చూడని కొత్త క్యారెక్టర్‌లో చూస్తారు. మాకు నిర్మాతలుగా తొలి ప్రయత్నమైనా ఎక్కడా రాజీపడకుండా నిర్మించాం’ అన్నారు. ఈ చిత్రానికి మాటలు : డా.రాజశేఖర్‌ రెడ్డి, సాహిత్యం : చల్లా భాగ్యలక్ష్మి, బండారు హనుమయ్య.