మానవాళి ఇప్పటివరకు చూడని అతి సుదూర అంతరిక్ష దృశ్యమిది. ప్రపంచంలోనే అత్యంత శక్తిమంతమైన జేమ్స్ వెబ్ స్పేస్ టెలిస్కోప్ ఈ అద్భుత చిత్రాన్ని ఆవిష్కరించింది. ఈ చిత్రంలో నీలం, నారింజ, తెలుపు రంగులో ఉన్న వందలాది గెలాక్సీలను స్పష్టంగా చూడొచ్చు.
ఆ ఛాయాచిత్రాన్ని అమెరికా అధ్యక్షుడు జో బైడెన్ సోమవారం విడుదల చేశారు. 13బిలియన్ సంవత్సరాల క్రితం విశ్వం ప్రారంభమైన నాటి అత్యంత స్పష్టమైన చిత్రమిదే అని నాసా అడ్మినిస్ట్రేటర్ బిల్నెల్సన్ వెల్లడించారు.