తుపాకులను నియంత్రించాల్సిందే: పుతిన్‌

దేశంలో తుపాకులను నియంత్రించాలని రష్యా అధ్యక్షుడు వ్లాదిమిర్‌ పుతిన్‌ ఆదేశించారు. రష్యాలోని కజాన్ పాఠశాల కాల్పుల నేపథ్యంలో తుపాకుల నియంత్రణపై అధికారులతో పుతిన్‌ సమీక్ష జరిపారు.

May 11, 2021 / 05:51 PM IST

మాస్కో: దేశంలో తుపాకులను నియంత్రించాలని రష్యా అధ్యక్షుడు వ్లాదిమిర్‌ పుతిన్‌ ఆదేశించారు. రష్యాలోని కజాన్ పాఠశాల కాల్పుల నేపథ్యంలో తుపాకుల నియంత్రణపై అధికారులతో పుతిన్‌ సమీక్ష జరిపారు. తుపాకుల నియంత్రణ చట్టాన్ని సమీక్షించాలని కూడా ఆయన అధికారులను ఆదేశించారు.

రష్యా సెంట్రల్ సిటీ అయిన కజాన్‌లోని ఒక ఉన్నత పాఠశాలలో గుర్తుతెలియన వ్యక్తులు జరిపిన కాల్పుల్లో 13 మంది దుర్మరణం పాలయ్యారు. వీరిలో ఎనిమిది మంది విద్యార్థులు ఉన్నారు. ఓ ఉపాధ్యాయుడిని కూడా దుండగులు కాల్చి చంపారు. భద్రతా దళాలు పాఠశాలను తమ ఆధీనంలోకి తీసుకుని దుండగులను పట్టుకునే పనిలో ఇద్దరిని కాల్చిచంపారు. ఈ నేపథ్యంలో తుపాకుల నియంత్రణ చట్టాన్ని సమీక్షించాలని రష్యా అధ్యక్షుడు వ్లాదిమిర్ పుతిన్ ఆదేశించినట్లు క్రెమ్లిన్ తెలిపింది. ఈ దాడిలో ఉపయోగించిన ఆయుధాన్ని పరిగణనలోకి తీసుకొని పౌరుల చేతుల్లో ఉండే ఆయుధాల రకానికి సంబంధించి కొత్త నిబంధనలను అత్యవసరంగా రూపొందించాలని అధ్యక్షుడు ఆదేశించారు అని క్రెమ్లిన్ ప్రతినిధి డిమిత్రి పెస్కోవ్ విలేకరులతో అన్నారు.