గర్భాశయ గడ్డలకు.. గుమ్మడికాయ చికిత్స?

గర్భాశయ గడ్డలకు ఆయుర్వేదంలో చికిత్స ఉందా? ఈ సమస్య ఉన్నవారు గుమ్మడికాయ వాడితే మంచిదని అంటారు. నిజమేనా

గర్భాశయ గడ్డలకు ఆయుర్వేదంలో చికిత్స ఉందా? ఈ సమస్య ఉన్నవారు గుమ్మడికాయ వాడితే మంచిదని అంటారు. నిజమేనా?

గర్భాశయ గడ్డలు (యుటిరైన్‌ ఫైబ్రాయిడ్స్‌) ఉంటే పిల్లలు పుట్టరనే వాదనలో కొంత నిజం ఉంది. కానీ ఈ మాట 10 శాతం మందికి మాత్రమే వర్తిస్తుంది. పిల్లలను కనే వయసులో ఉన్నవారిలో ఈ సమస్య అధికంగా కనిపిస్తుంది. ఫైబ్రాయిడ్స్‌ పెద్దవిగా ఉన్నప్పుడు, గర్భాశయంలోని పిండం ఎదుగుదలకు అవసరమైన పోషణ అందకపోవడం వల్ల అబార్షన్లకు ఆస్కారం ఎక్కువ. రుగ్మత ప్రాథమిక దశలో ఉన్న రోగులకు ఆయుర్వేదంలో చక్కని పరిష్కారాలు ఉన్నాయి.

సప్త వింశతి గుగ్గుళ్లు పూటకు రెండు చొప్పున మూడు పూటలా వాడాలి. కాంచనార గుగ్గుళ్లు పూటకు రెండు చొప్పున రెండుసార్లు తీసుకోవాలి. ముండి కషాయం 10 మి.లీ చొప్పున, మూడుసార్లు భోజనం తర్వాత వేసుకోవాలి. తరచూ పొట్ట నొప్పి వస్తుంటే.. హింగ్‌వస్తక చూర్ణాన్ని నెయ్యితో కలిపి ఒక స్పూన్‌ చొప్పున రెండుసార్లు (భోజనానికి ముందు) వేసుకోవాలి. కానీ, సొంత వైద్యం పనికిరాదు. ఆయుర్వేద గైనకాలజిస్ట్‌ పర్యవేక్షణలోనే ఇదంతా జరగాలి. గడ్డ పరిమాణాన్ని బట్టి చికిత్స వ్యవధి మారుతుంది. యుటిరైన్‌ ఫైబ్రాయిడ్స్‌ ఉన్న వారికి బూడిద గుమ్మడి రసం కూడా మంచి ఫలితాన్ని ఇస్తుంది. రోజూ తీసుకోవచ్చు. కాకపోతే, ప్రధాన వైద్యానికి ఇది ప్రత్యామ్నాయం కాదు.

– డా. యశోద పెనుబాల
ప్రసూతి &స్త్రీ వైద్య నిపుణులు
డా.బూర్గుల రామకృష్ణారావు
ఆయుర్వేద వైద్య కళాశాల