అగ్రి వర్సిటీలో ఆందోళన

అగ్రి వీసీ జానయ్య లైంగిక వేధింపులపై ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలో గురువారం నిరసన తెలుపుతుండగా వీసీ మద్దతు దారులు భగ్నం చేసేందుకు యత్నించారు. నాన్‌ టీచింగ్‌ నాయకులు శ్రీనివాస్‌ యాదవ్‌, భిక్షపతి తదితరులు మహిళలకు వ్యతిరేకంగా నినాదాలు చేశారు.

• వీసీ జానయ్యను తొలగించాలని డిమాండ్‌

వ్యవసాయ యూనివర్సిటీ , నవంబర్‌ 12..అగ్రి వీసీ జానయ్య లైంగిక వేధింపులపై ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలో గురువారం నిరసన తెలుపుతుండగా వీసీ మద్దతు దారులు భగ్నం చేసేందుకు యత్నించారు. నాన్‌ టీచింగ్‌ నాయకులు శ్రీనివాస్‌ యాదవ్‌, భిక్షపతి తదితరులు మహిళలకు వ్యతిరేకంగా నినాదాలు చేశారు.

ఆ ప్రాంతమంతా ఉద్రిక్తంగా మారింది. పోలీసులు జోక్యం చేసుకుని వీసీ వర్గం నాయకులను రాజేంద్రనగర్‌ పోలీస్‌ స్టేషన్‌కు, మహిళలను , వారికి మద్దతు తెలిపిన వారిని కంచెన్‌బాగ్‌ పోలీస్‌స్టేషన్‌కు తరలించారు. పోలీసుల తోపులాటలో ప్రొఫెసర్‌ సౌజన్య చేతికి స్వల్పగాయాలయ్యాయి.