పికిల్‌బాల్ ‘రోడ్ టు నేషనల్స్’ విజేతలకు అభినందనలు

తెలంగాణ పికిల్‌బాల్ అసోసియేషన్ ఆధ్వర్యంలో హైదరాబాద్‌లోని సి స్పోర్ట్స్‌లో జరిగిన ‘రోడ్ టు నేషనల్స్’ పికిల్‌బాల్ టోర్నమెంట్ విజేత, రన్నరప్‌లకు వరంగల్ పికిల్‌బాల్ అసోసియేషన్ అధ్యక్షుడు పి. ప్రవీణ్, రాష్ట్ర కార్యదర్శి రాకేష్ రెడ్డి ఇనుగాల అభినందనలు తెలిపారు.

న్యూశాయంపేట, అక్టోబర్ 12 : తెలంగాణ పికిల్‌బాల్ అసోసియేషన్ ఆధ్వర్యంలో హైదరాబాద్‌లోని సి స్పోర్ట్స్‌లో జరిగిన ‘రోడ్ టు నేషనల్స్’ పికిల్‌బాల్ టోర్నమెంట్ విజేత, రన్నరప్‌లకు వరంగల్ పికిల్‌బాల్ అసోసియేషన్ అధ్యక్షుడు పి. ప్రవీణ్, రాష్ట్ర కార్యదర్శి రాకేష్ రెడ్డి ఇనుగాల అభినందనలు తెలిపారు. ఈ సందర్భంగా వారు వేరువేరుగా మాట్లాడుతూ పికిల్ బాల్ టోర్నమెంట్‌లో క్రీడాకారులు ఉత్సాహంగా పాల్గొని వారి ప్రతిభను అంకితభావంతో ప్రదర్శించారన్నారు.

ఈ టోర్నమెంట్‌లో సింగిల్స్ లో ప్రణీత్, రన్నరప్ గా కాటమ్ లక్ష్మా రెడ్డిలు,డబుల్స్ లో కాటమ్ లక్ష్మా రెడ్డి, నిమ్మ రామ్ రెడ్డిలు విజేతలుగా నిలిచారన్నారు. క్రీడాకారుల అద్భుత ప్రదర్శనలను వారు ప్రశంసించారు. క్రీడాకారులు భవిష్యత్తులో మరింత కష్టపడి జాతీయ స్థాయిలో నిలిచి, తెలంగాణకు ప్రాతినిధ్యం వహించాలని ఆకాంక్షించారు. ఈ కార్యక్రమంలో వరంగల్ పికిల్‌బాల్ అసోసియేషన్ సంయుక్త కార్యదర్శి మార్క సందీప్, క్రీడాభిమానులు పాల్గొన్నారు.