ఎక్సలెంట్ ఫీచర్స్ తో పోకో ఎఫ్‌3 జీటీ ..

బెంగళూరు,జూలై : ప్రముఖ స్మార్ట్‌ఫోన్‌ల తయారీ కంపెనీ పోకో సరికొత్త మోడల్ ఫోన్‌లను మార్కెట్లోకి విడుదల చేసేందుకు సిద్ధమైంది. ” పోకో ఎఫ్‌3 జీటీ “పేరుతో మార్కెట్లో విడుదల కానున్నది. దీనిని ఆగస్టు 10 తేదీలోపు విడుదల చేయనున్నట్లు కంపెనీ అధికారికంగా ప్రకటించింది. ఇటీవల చైనాలో లాంచ్​ అయిన రెడ్​మీ కే 40 గేమ్​ ఎన్​హేన్స్​డ్ ఎడిషన్​కు రీ బ్రాండెడ్​ వెర్షన్​గా ఈ ఫోన్​ విడుదల కానుంది. దీనికి సంబంధించిన టీజర్​ వీడియోలో కూడా సంస్థ ఇదే విషయాన్నివెల్లడించింది.

ఈ ఫోన్‌ ఐదు వేరియంట్లలో లభించనుంది. ఇందులో 6 జీబీ ర్యామ్​, 128 జీబీ స్టోరేజ్ బేస్​ వేరియంట్ ధర సుమారు రూ.23,000కు లభిస్తుంది. పోకో ఎఫ్ 3 జిటి ఇండియా ధర రూ.25 వేల నుంచి రూ.30,000 మధ్య ఉండే అవకాశం ఉంది. పోకో ఎఫ్‌ 3జీటీ స్మార్ట్​ఫోన్​లో 6.67 అంగుళాల ఫుల్​ హెచ్‌డీ+AMOLED డిస్‌ప్లేను అందించనున్నారు. ఇది ఆక్టాకోర్​ మీడియాటెక్ డైమెన్సిటీ 1200 SoC ప్రాసెసర్​పై పనిచేస్తుంది. 12 జీబీ ర్యామ్, 256 జీబీ ఇంటర్నల్ స్టోరేజ్ వరకు అందించింది. 67W వైర్డ్ ఫాస్ట్ ఛార్జింగ్ సపోర్ట్‌తో 5,065 mAh బ్యాటరీ ఉన్నది.

5జీ, వైఫై, జీపీఎస్​, ఎన్​ఎఫ్​సీ, యూఎస్​బీ టైప్​సీ పోర్ట్​లను అందించింది. ఇది ఆండ్రాయిడ్ 11 బేస్డ్ MIUI 12.5తో రన్‌ అవుతుంది. బ్యాక్ సైడ్ ట్రిపుల్ కెమెరా సెటప్​ ఉంటుంది. ఇది 64MP ప్రైమరీ లెన్స్ కెమెరా, 8MP అల్ట్రావైడ్ సెన్సార్ కెమెరాలను కలిగి ఉంటుంది. ఈ ఫోన్ 2 ఎంపి మైక్రో కెమెరాను కూడా ప్యాక్ చేస్తుంది. సెల్ఫీలు, వీడియో కాలింగ్​ కోసం 16 మెగాపిక్సెల్​ కెమెరాను చేర్చింది.