రాష్ట్రస్థాయి పోటీల‌కు ఎంపికైన పాపన్నపేట కబడ్డీ జట్లు

పీఎం శ్రీ పాఠశాలల అండర్- 17 కబడ్డీ పోటీలలో పాపన్నపేట ఉన్నత పాఠశాల బాలుర, బాలికల జట్లు గెలుపొంది రాష్ట్రస్థాయికి ఎంపికైనట్లు ఆ పాఠశాల ప్రధానోపాధ్యాయులు మహేశ్వర్, పిడి రమేష్ వెల్లడించారు.

పాపన్నపేట, నవంబర్ 3 : మెదక్ పట్టణంలో మంగళవారం నిర్వహించిన పీఎం శ్రీ పాఠశాలల అండర్- 17 కబడ్డీ పోటీలలో పాపన్నపేట ఉన్నత పాఠశాల బాలుర, బాలికల జట్లు గెలుపొంది రాష్ట్రస్థాయికి ఎంపికైనట్లు ఆ పాఠశాల ప్రధానోపాధ్యాయులు మహేశ్వర్, పిడి రమేష్ వెల్లడించారు. మెదక్ జిల్లా నుండి 24 పీఎం శ్రీ పాఠశాలలు ఈ పోటీలలో పాల్గొనగా పాపన్నపేట ఉన్నత పాఠశాలకు చెందిన బాలుర జట్టు ,బాలికల జట్టు గెలుపొంది రాష్ట్రస్థాయికి ఎంపికయ్యాయి. హైదరాబాద్‌లో నిర్వహించనున్న రాష్ట్రస్థాయి కబడ్డీ మీట్లలో ఈ రెండు జట్లు పాల్గొంటాయని పిడి రమేష్ వెల్లడించారు. జిల్లాస్థాయి పోటీలలో పాపన్నపేట జట్లు రెండింటికి రెండు ఎంపిక కావడం పట్ల స్థానికులు హర్షం వ్యక్తం చేశారు.