ఎర్ర ఉల్లిగ‌డ్డ‌ల‌ నూనెతో ఇలా చేస్తే కొత్త వెంట్రుక‌లు పుడ‌తాయా? ఉన్న‌వి ఊడుతాయా?

Onion Oil for Hair | ఎర్ర ఉల్లిగడ్డల నుంచి తీసిన నూనె కురుల ఆరోగ్యానికి సాయపడుతుందని చెబుతున్నారు సౌందర్య నిపుణులు. ఉల్లిలో జుట్టుకు పనికొచ్చే విటమిన్‌-సి, విటమిన్‌- బి6, ఐరన్‌, ఫోలేట్‌, పొటాషియం, మెగ్నీషియంలాంటి ఎన్నో పోషకాలు ఉన్నాయి. కాబట్టే, తలభాగంలో రక్తప్రసరణ బాగా జరిగేందుకు, కుదుళ్లను దృఢంగా చేసేందుకూ రెడ్‌ ఆనియన్‌ ఆయిల్‌ సహకరిస్తుంది.

ఇందులో అధిక మోతాదులో ఉండే యాంటీ ఆక్సిడెంట్లు జుట్టును ఒత్తుగా చేస్తాయి. ఈ నూనెలోని యాంటీ బ్యాక్టీరియల్‌, యాంటీ సెప్టిక్‌ గుణాలు బ్యాక్టీరియాను తగ్గించి చుండ్రును నివారిస్తాయి. ఈ తైలం మంచి కండిషనర్‌గా ఉపయోగపడుతుంది. ఈ నూనెలో ఉండే విటమిన్లు, ఖనిజ లవణాలు జుట్టు తెల్లబడకుండా నిలువరిస్తాయి. కొత్త వెంట్రుకలు పెరిగేందుకు సాయపడతాయి. ఇందులోని సల్ఫర్‌ వెంట్రుకలు చిట్లకుండా కాపాడుతుంది. కాస్త వాసన వస్తుందన్న పరిమితిని పక్కన పెడితే, ఎర్ర ఉల్లిగడ్డనూనె శిరోజాలకు సిరిలాంటిదే.

 

Read More :

“Hair fall | ఆకుకూర‌లు తింటే జుట్టు ఊడ‌టం త‌గ్గుతుందా?”