KTR Rythu Garjana | నేడు నిర్మల్‌లో గులాబీ గర్జన.. కేటీఆర్ బహిరంగ సభకు సర్వం సిద్ధం

KTR Rythu Garjana | బీఆర్ఎస్ పార్టీ నిర్వహించనున్న రైతు గర్జన మహాసభ నేపథ్యంలో నిర్మల్ పట్టణం గులాబీమయంగా మారింది. పార్టీ వర్కింగ్ ప్రెసిడెంట్ కేటీఆర్ బుధవారం నిర్మలు రానున్న నేపథ్యంలో పట్టణంలో ఎక్కడ చూసినా గులాబీ రంగు జెండాలు, తోరణాలు, భారీ ఫ్లెక్సీలు, హోర్డింగ్లు దర్శనమిస్తున్నాయి.

KTR Rythu Garjana | నిర్మల్, నవంబర్ 10 ( నమస్తే తెలంగాణ): రైతాంగం ఎదుర్కొంటున్న సమస్యలపై రాష్ట్ర ప్రభుత్వాన్ని నిలదీసేందుకు బీఆర్ఎస్ సమరశంఖం పూరించనున్నది. పదేళ్ల కేసీఆర్ పాలన, ప్రస్తుత కాంగ్రెస్ ప్రభుత్వ పాలనకు మధ్య ఉన్న వ్యత్యాసాన్ని ప్రజల ముందుంచడంతో పాటు అన్నదాతల సమస్యలపై గళమెత్తేందుకు నిర్మల్ వేదికగా ‘రైతు గర్జన’కు సర్వం సిద్ధమైంది.

నేడు(బుధ వారం) నిర్మల్ పట్టణంలోని ఎన్టీఆర్ మినీ స్టేడియంలో సాయంత్రం 4 గంటలకు నిర్వహించనున్న భారీ బహిరంగ సభకు బీఆర్ఎస్ వర్కింగ్ ప్రెసిడెంట్ కేటీఆర్ ముఖ్య అతిథిగా హాజరుకానున్నారు. జిల్లా వ్యాప్తంగా రైతులు ఎదుర్కొంటున్న ఎరువులు, విత్తనాల కొరత, సాగునీటి ఇబ్బందులు, విద్యుత్ సమస్యల వం టి అంశాలను సభలో ప్రధానంగా ప్రస్తావించి కాంగ్రెస్ ప్రభుత్వాన్ని నిలదీయనున్నారు. ఈ సభ ద్వారా రైతాంగానికి భరోసా కల్పించడంతోపాటు పార్టీ శ్రేణుల్లో నూతనోత్సాహం నింపేలా బీఆర్ఎస్ నాయకత్వం కార్యాచరణ రూపొందించింది.

భారీగా సభా ఏర్పాట్లు

రైతు గర్జన బహిరంగ సభను ప్రతిష్టాత్మకంగా నిర్వహించేం దుకు బీఆర్ఎస్ నాయకత్వం విస్తృత ఏర్పాట్లు చేస్తున్నది. నిర్మల్లోని ఎన్టీఆర్ మినీ స్టేడియంలో సభా ప్రాంగణాన్ని భారీ స్థాయిలో సిద్ధం చేశారు. వేదిక నిర్మాణం, సభా ప్రాంగణం అలంకరణ, పెద్ద సంఖ్యలో తరలివచ్చే ప్రజలకు అవసరమైన సౌకర్యాలు, ఇతర ఏర్పాట్లపై పార్టీ నాయ కులు ప్రత్యేక దృష్టి సారించారు. మాజీ మంత్రి వేముల ప్రశాంత్ రెడ్డి, మాజీ విప్ : బాల్క సుమన్లు సభా ఏర్పా ట్లను దగ్గరుండి పర్యవేక్షిస్తున్నారు.

బోథ్ ఎమ్మెల్యే అనిల్ జాదవ్, నిర్మల్, ఖానాపూర్ నియోజకవర్గ పార్టీ ఇన్చార్జిలు రాంకిషన్రెడ్డి, జాన్సన్ నాయక్, ఉమ్మడి ఆదిలాబాద్ మాజీ జిల్లా పరిషత్ చైర్మన్ లోలం శ్యాంసుందర్, ముథోల్ నియోజకవర్గ నేతలు రమాదేవి, కిరణ్ కొమ్రేవార్, విలాస్ గాదేవార్ తోపాటు ఇటీవల పార్టీలో చేరిన యువ నాయ కుడు నల్ల వినయ్ రెడ్డి సభను విజయవంతం చేసేందుకు పకడ్బందీ ప్రణాళికతో ముందుకు సాగుతున్నారు. పార్టీకి చెందిన ముఖ్య నాయకులు, ప్రజాప్రతినిధులు, మండల స్థాయి నేతలు, కార్యకర్తలను సమన్వయం చేస్తూ జన సమీ కరణపై దృష్టి పెట్టారు.

రైతు గర్జన సభకు జిల్లాలోని నిర్మల్, ఖానాపూర్, ముథోల్ నియోజకవర్గాల నుంచి రైతులు, పార్టీ శ్రేణులు, ప్రజలను భారీగా తరలించేందుకు ఏర్పాట్లు చేస్తున్నారు. ఇందుకోసం ఇప్పటికే వందలాది వాహనా లను బుక్ చేసినట్లు పార్టీ వర్గాలు వెల్లడిస్తున్నాయి. గ్రామాలు, మండలాలవారీగా నాయకులకు బాధ్యతలు అప్పగించి జన సమీకరణను పర్యవేక్షిస్తున్నారు. ప్రతి గ్రామం నుంచి రైతులు, పార్టీ అభిమానులు పెద్ద సంఖ్యలో సభకు హాజరయ్యేలా ప్రణాళికలు సిద్ధం చేశారు. సభకు భారీగా ప్రజలు తరలి వచ్చేలా క్షేత్రస్థాయిలో ప్రచారం నిర్వహిస్తున్నారు. నిర్మల్ జిల్లాలో బీఆర్ఎస్ మళ్లీ పూర్వ వైభవం సాధించేందుకు, తన రాజకీయ బలాన్ని చాటు కొనే వేదికగా కూడా ఈ సభను భావిస్తున్నది.

రైతు సమస్యలే ప్రధాన అజెండా

రాష్ట్రంలో కాంగ్రెస్ ప్రభుత్వం అధికారంలోకి వచ్చిన తర్వా త రైతాంగం అనేక ఇబ్బందులు ఎదుర్కొంటున్నదని బీఆ ర్ఎస్ నాయకులు ఆరోపిస్తున్నారు. సాగు ప్రారంభం నుం చి దిగుబడి విక్రయం వరకు అన్నదాతలు పలు సమస్య లతో సతమతమవుతున్నారని చెబుతున్నారు. ముఖ్యంగా అవసరమైన సమయంలో ఎరువులు, విత్తనాలు అందుబా టులో లేకపోవడం, సాగునీటి వనరుల నిర్వహణలో సమస్యలు, వ్యవసాయానికి సరిపడా విద్యుత్ సరఫరా లేకపోవడం వంటి సమస్యలు రైతులను తీవ్ర ఆందోళనకు గురిచేస్తు న్నాయి.

పెట్టుబడి ఖర్చులు పెరుగుతున్నా, రైతులకు ప్రభుత్వం నుంచి అందాల్సిన మద్దతు ఆశించిన స్థాయిలో అందడం లేదని ఆరోపిస్తున్నారు. సకాలంలో రైతుభరోసా నిధులు విడుదల చేయకపోవడం, కొన్ని సీజన్లలో పూర్తిగా ఎగవేయడం, సన్నాలకు బోనస్ ఇవ్వకపోవడంతో రైతులు ఆర్థికంగా తీవ్ర నష్టాలను చవిచూడాల్సి వస్తున్నది. సాగు విషయంలో ఎదురవుతున్న సమస్యలతో రైతులు అటు ఆర్థికంగా ఇటు మానసికంగా ఇబ్బందులు పడుతున్నారు. ఈ నేపథ్యంలోనే రైతాంగ సమస్యలను రాష్ట్రస్థాయిలో చర్చకు తీసుకురావడంతోపాటు ప్రభుత్వంపై ఒత్తిడి పెంచే లక్ష్యంతో రైతు గర్జన సభను నిర్వహిస్తున్నట్లు బీఆర్ఎస్ నేతలు చెబుతున్నారు. కేటీఆర్ తన ప్రసంగంలో నిర్మల్ జిల్లా రైతులు ఎదుర్కొంటున్న సమస్యలు ప్రస్తావించడం తోపాటు రాష్ట్ర వ్యాప్తంగా కాంగ్రెస్ ప్రభుత్వ నిర్లక్ష్యం కార ణంగా వ్యవసాయ రంగం ఎదుర్కొంటున్న సవాళ్లను వివ రించనున్నట్లు పార్టీ శ్రేణులు భావిస్తున్నాయి.

కేసీఆర్ హయాంలో రైతుకు భరోసా

బీఆర్ఎస్ పదేళ్ల పాలనలో వ్యవసాయ రంగానికి పెద్దపీట వేశామని ఆ పార్టీ నాయకులు గుర్తుచేస్తున్నారు. రైతుబంధు పథకం ద్వారా సాగుకు అవసరమైన పెట్టుబడి సాయాన్ని అందించడం, రైతుబీమా ద్వారా రైతు కుటుంబాలకు ఆర్థిక భద్రత, వ్యవసాయానికి 24 గంటల ఉచిత విద్యుత్, పెద్ద ఎత్తున సాగునీటి ప్రాజెక్టుల నిర్మాణం, మిషన్ కాకతీయ పథకం ద్వారా చెరువుల పునరుద్ధరణ వంటి కార్యక్రమా లతో రైతాంగానికి అండగా నిలిచామని పేర్కొంటున్నారు. వ్యవసాయాన్ని లాభసాటిగా మార్చేందుకు కేసీఆర్ ప్రభు త్వం చేపట్టిన చర్యలు గ్రామీణ ఆర్థిక వ్యవస్థకు బలం చేకూ ర్చాయన్న అభిప్రాయాలు ఉన్నాయి. ముఖ్యంగా రైతుబం ధు పథకం ద్వారా ప్రతి ఎకరాకు పెట్టుబడి సాయం అం దించడం, రైతుబీమాతో రైతు మరణించిన సందర్భంలో కుటుంబానికి ఆర్థిక భరోసా కల్పించడం, వ్యవసాయానికి నిరంతరాయంగా నాణ్యమైన విద్యుత్ సరఫరా చేయడం వంటి నిర్ణయాలు రైతుల్లో విశ్వాసాన్ని పెంచాయని బీఆర్ ఎస్ నేతలు చెబుతున్నారు. చెరువుల పునరుద్ధరణ, సాగు నీటి ప్రాజెక్టుల ద్వారా ఆయకట్టు విస్తరణ కోసం గత ప్రభు త్వంలో కేసీఆర్ చేసిన కృషిని ప్రస్తుతం ప్రతి ఒక్కరు గుర్తు చేసుకుంటున్నారు. గత బీఆర్ఎస్ హయంలో రైతులకు అందిన పథకాలు, ప్రస్తుత కాంగ్రెస్ పాలనలో ఎదురవు తున్న ఇబ్బందులను పోల్చి ప్రజలకు వివరించేందుకు రైతు గర్జన సభ ప్రధాన వేదికగా మారనున్నది.

గులాబీమయమైన నిర్మల్

బీఆర్ఎస్ పార్టీ నిర్వహించనున్న రైతు గర్జన మహాసభ నేపథ్యంలో నిర్మల్ పట్టణం గులాబీమయంగా మారింది. పార్టీ వర్కింగ్ ప్రెసిడెంట్ కేటీఆర్ బుధవారం నిర్మలు రానున్న నేపథ్యంలో పట్టణంలో ఎక్కడ చూసినా గులాబీ రంగు జెండాలు, తోరణాలు, భారీ ఫ్లెక్సీలు, హోర్డింగ్లు దర్శనమిస్తున్నాయి. ప్రధాన కూడళ్లు మొదలుకొని పట్టణంలోని అన్ని రహదారుల వెంట కేటీఆర్కు స్వాగతం పలుకుతూ ఏర్పాటు చేసిన ఫ్లెక్సీలు ప్రత్యేక ఆకర్శణగా నిలుస్తున్నాయి. నిర్మల్ పట్టణ ముఖద్వారమైన శివాజీ చౌక్తోపాటు కొండా లక్ష్మణ్బాపూజీ చౌరస్తా, వివేకానంద చౌరస్తాలను గులాబీ తోరణాలతో అందంగా అలంకరించారు. ఆయా కూడళ్లలో ఏర్పాటు చేసిన భారీ ఫ్లెక్సీలు, కటౌట్లు, స్వాగత బ్యానర్లు ప్రజలను విశేషంగా ఆకట్టుకుంటున్నాయి. జిల్లాలోని మూడు నియోజకవర్గాలకు చెందిన ముఖ్య నేతలు కేటీఆర్కు స్వాగతం పలుకుతూ పోటాపోటీగా ఫ్లెక్సీలు, హోర్డింగ్లు ఏర్పాటు చేయడంతో పట్టమంతా గులాబీ రంగును సంతరించుకున్నది. సభకు వచ్చే పార్టీ శ్రేణులు, రైతులు, అభిమానులకు స్వాగతం పలికేలా ఏర్పాటు చేసిన ఫ్లెక్సీలను జనం ఆసక్తిగా తిలకిస్తున్నారు. ఇప్పటికే రైతు గర్జన సభకు సంబంధించిన ప్రచార కార్యక్రమాలను విస్తృతం చేసిన పార్టీ నాయకులు.. కేటీఆర్ పర్యటనను పురస్కరించుకుని స్వాగత ఏర్పాట్లపైనా ప్రత్యేక దృష్టి సారించారు. దీంతో బుధవారం జరగనున్న రైతు గర్జన మహాసభకు ముందే నిర్మల్ పట్టణంలో పండుగ వాతావరణం నెలకొన్నది.