ఎనిమిదేళ్ల కథకు కొత్తరూపం?

సూర్య కథానాయకుడిగా మణిరత్నం దర్శకత్వంలో ఓ చిత్రానికి సన్నాహాలు జరుగుతున్నట్లు తమిళ సినీ వర్గాల్లో వినిపిస్తున్నది. ప్రస్తుతం మణిరత్నం విజయ్‌ సేతుపతి, సాయిపల్లవి జంటగా రొమాంటిక్‌ డ్రామా ‘ఇంజివెల్లం’ చిత్రాన్ని తెరకెక్కిస్తున్నారు.

సూర్య కథానాయకుడిగా మణిరత్నం దర్శకత్వంలో ఓ చిత్రానికి సన్నాహాలు జరుగుతున్నట్లు తమిళ సినీ వర్గాల్లో వినిపిస్తున్నది. ప్రస్తుతం మణిరత్నం విజయ్‌ సేతుపతి, సాయిపల్లవి జంటగా రొమాంటిక్‌ డ్రామా ‘ఇంజివెల్లం’ చిత్రాన్ని తెరకెక్కిస్తున్నారు. ఇది పూర్తయిన తర్వాత ఆయన సూర్యతో సినిమా చేయబోతున్నారని ప్రచారం జరుగుతున్నది. దాదాపు ఎనిమిదేళ్ల క్రితమే మణిరత్నం సూర్యకు ఓ కథను వినిపించారట.

అప్పట్లో ఆ ప్రాజెక్ట్‌ పట్టాలెక్కలేదు. అదే స్క్రిప్ట్‌లో అవసరమైన మార్పులు చేర్పులు చేసి సూర్యకు మరోసారి వినిపించే యోచనలో మణిరత్నం ఉన్నారని తెలిసింది. సూర్య అంగీకరిస్తే ఓ సినిమా పట్టాలెక్కే అవకాశముంది. గతంలో మణిరత్నం-సూర్య కాంబినేషన్‌లో ‘ఆయుధ ఎళుత్తు’ అనే సినిమా రూపొందిన విషయం తెలిసిందే. ఆ తర్వాత ‘నవరస’ ఆంథాలజీలో వీరిద్దరూ కలిసి పనిచేశారు. ఈ నేపథ్యంలో వీరిద్దరి తాజా సినిమాపై అభిమానుల్లో ఆసక్తి పెరిగింది.