భారత్‌-అమెరికా మైత్రికి దన్ను

డొనాల్డ్‌ ట్రంప్‌ అధ్యక్షతన అమెరికాలో ఏర్పడబోయే కొత్త ప్రభుత్వంతో కలిసి పనిచేసేందుకు ఎంతో ఆత్రంగా ఎదురుచూస్తున్నట్టు భారతీయ ఐటీ రంగ సంస్థల సంఘం నాస్కామ్‌ ప్రకటించింది.

• ట్రంప్‌ సర్కారుతో పనిచేసేందుకు ఎదురుచూస్తున్నాం: నాస్కామ్‌

న్యూఢిల్లీ, నవంబర్‌ 6: డొనాల్డ్‌ ట్రంప్‌ అధ్యక్షతన అమెరికాలో ఏర్పడబోయే కొత్త ప్రభుత్వంతో కలిసి పనిచేసేందుకు ఎంతో ఆత్రంగా ఎదురుచూస్తున్నట్టు భారతీయ ఐటీ రంగ సంస్థల సంఘం నాస్కామ్‌ ప్రకటించింది. అధ్యక్ష ఎన్నికల్లో ఘన విజయం సాధించిన ట్రంప్‌కు శుభాకాంక్షల్ని కూడా తెలియజేసింది. భారత్‌-అమెరికా ద్వైపాక్షిక సంబంధాల్లో ఐటీ పరిశ్రమల పాత్ర కీలకమని గుర్తుచేసిన నాస్కామ్‌.. ఇరు దేశాల మధ్య ప్రగతిదాయక సాంకేతిక భాగస్వామ్యం బలోపేతానికి కృషి చేస్తామంటూ బుధవారం విడుదల చేసిన ఓ ప్రకటనలో పేర్కొన్నది. 254 బిలియన్‌ డాలర్ల భారతీయ టెక్నాలజీ ఇండస్ట్రీకి అమెరికానే అతిపెద్ద మార్కెట్‌గా ఉన్నది. అమెరికా జీడీపీకి భారత ఐటీ కంపెనీల ద్వారా 80 బిలియన్‌ డాలర్ల ఆదాయం సమకూరుతున్నది.