RCB vs GG | చెల‌రేగిన‌ వొల్వార్డ్, గార్డ్‌న‌ర్.. ఆర్సీబీ టార్గెట్ 189

wpl 2023: మ‌హిళ‌ల ప్రీమియ‌ర్ లీగ్ (WPL) 16వ మ్యాచ్‌లో గుజ‌రాత్ జెయింట్స్(Gujarat Giants) భారీ స్కోర్ చేసింది. రాయ‌ల్ ఛాలెంజ‌ర్స్ బెంగ‌ళూరు (Royal Challengers Bangalore)పై 188 ర‌న్స్ కొట్టింది. ఓపెన‌ర్ లారా వొల్వార్డ్ (68) హాఫ్ సెంచ‌రీతో క‌దం తొక్కింది. గ‌త మ్యాచ్‌లో అర్ధ శ‌త‌కం బాదిన‌ అష్ గార్డ్‌న‌ర్‌(41) మ‌రోసారి కీల‌క ఇన్నింగ్స్ ఆడింది.

RCB vs GG : మ‌హిళ‌ల ప్రీమియ‌ర్ లీగ్ (WPL) 16వ మ్యాచ్‌లో గుజ‌రాత్ జెయింట్స్(Gujarat Giants) భారీ స్కోర్ చేసింది. రాయ‌ల్ ఛాలెంజ‌ర్స్ బెంగ‌ళూరు (Royal Challengers Bangalore)పై 188 ర‌న్స్ కొట్టింది. ఓపెన‌ర్ లారా వొల్వార్డ్ (68) హాఫ్ సెంచ‌రీతో క‌దం తొక్కింది. గ‌త మ్యాచ్‌లో అర్ధ శ‌త‌కం బాదిన‌ అష్ గార్డ్‌న‌ర్‌(41) మ‌రోసారి కీల‌క ఇన్నింగ్స్ ఆడింది.

చివ‌ర్లో హ‌ర్లీన్ డియోల్ (12), ద‌య‌లాన్ హేమ‌ల‌త (16)రెచ్చిపోయి ఆడారు. మేఘ‌న్ ష‌ట్ వేసిన ఆఖ‌రి ఓవ‌ర్‌లో హ‌ర్లీన్, హేమ‌ల‌త‌ త‌లా ఒక‌ ఫోర్, సిక్స్ బాదారు. దాంతో, గుజ‌రాత్ 20 ఓవ‌ర్ల‌లో 188 ర‌న్స్ చేయ‌గ‌లిగింది. ఆర్సీబీ బౌల‌ర్ల‌లో శ్రేయాంక పాటిల్ రెండు వికెట్లు తీసింది. సోఫీ డెవినే, ప్రీతీ బోస్ త‌లా ఒక వికెట్ తీశారు.

వొల్వార్డ్ క్లాస్ ఇన్నింగ్స్‌

టాస్ గెలిచిన గుజ‌రాత్ కెప్టెన్ స్నేహ్ రానా(Sneh Rana) బ్యాటింగ్ తీసుకుంది. అయితే.. 27 ప‌రుగుల వ‌ద్ద తొలి వికెట్ కోల్పోయింది. ఓపెన‌ర్ సోఫియా డంక్లీ (16)ని సోఫీ డెవినే బౌల్డ్ చేసింది. అయితే.. మ‌రో ఓపెన‌ర్ లారా వొల్వార్డ్ మొద‌టి ఓవ‌ర్ నుంచే దూకుడుగా ఆడింది. 35 బంతుల్లో 8 ఫోర్లు, ఒక సిక్స్‌తో హాఫ్ సెంచ‌రీ సాధించింది. స‌బ్బినేని మేఘ‌న (31)తో క‌లిసి రెండో వికెట్‌కు 63 ర‌న్స్, అష్ గార్డ్‌న‌ర్‌తో క‌లిసి మూడో వికెట్‌కు 52 ప‌రుగులు జోడించింది. శ్రేయాంక పాటిల్ ఓవ‌ర్‌లో దిశా క‌సాత్ క్యాచ్ ప‌ట్ట‌డంతో వొల్వార్డ్ ఔట‌య్యింది. ప్రీతి బోస్ ఓవ‌ర్‌లో స‌బ్బినేని మేఘ‌న‌(31)ను రీచా ఘోష్‌ స్టంపౌట్ చేసింది. దాంతో, గుజ‌రాత్ 90 ర‌న్స్ వ‌ద్ద రెండో వికెట్ ప‌డింది..