నోవాటెల్‌లో లిమోసిన్‌ క్యాబ్‌ సర్వీసెస్ ప్రారంభం

మాదాపూర్‌:మాదాపూర్‌లోని నోవాటెల్‌లో సినీ నటి క్యాథరిన్‌ ట్రెసా ఎంటీసి గ్రూఫ్‌ చైర్మెన్‌ అసాద్‌ అహ్మద్‌ ఖాన్‌తో కలిసి గురువారం లిమోసిన్‌ క్యాబ్‌ సర్వీసెస్ను జెండా ఊపి ప్రారంభించింది. ఈ సందర్భంగా మహిళలపై జరుగుతున్న అకృత్యాలను దృష్టిలో ఉంచుకొని వారికి రక్షణ అందించేందుకు లిమోసిన్‌ క్యాబ్‌ సర్వీసెస్ సరికొత్త ఆవిష్కరణ చేసిందని, మహిళలు ఎక్కడికైనా వెళ్ళాలని క్యాబ్‌ బుక్‌ చేసుకున్నట్లయితే వారి కొరకు ప్రత్యేకంగా మహిళ డ్రైవర్‌లే అందుబాటులో ఉండేలా చర్యలు తీసుకున్నట్లు తెలిపారు.

నగరంలో 5 వేలకు పైగా క్యాబ్‌ సర్వీసులు అందుబాటులో ఉండనున్నట్లు సంస్థ చైర్మెన్‌ అసాద్‌ అహ్మద్‌ ఖాన్‌ తెలిపారు. క్యాబ్‌ బుక్‌ చేసుకోవాలనుకునే వారు కేవలం క్యూఆర్‌ కోడ్‌ను స్కాన్‌ చేస్తే సరిపోతుందని, క్యాబ్‌ సర్వీస్లను సరికొత్త టెక్నాలజీతో వినియోగదారుల కొరకు అందుబాటులోకి తీసుకువచ్చినట్లు తెలిపారు. ఇందులో సాధారణ, లగ్జరీ కార్ల సర్వీస్లను ఉంచినట్లు తెలిపారు.