ఏపీజే అబ్దుల్ కలాం సేవ‌లు స్ఫూర్తిదాయ‌కం : గూడెం మ‌హిపాల్‌రెడ్డి

Abdul Kalam | దివంగత రాష్ట్రపతి డాక్టర్ ఏపీజే అబ్దుల్ కలాం(Abdul Kalam) సేవ‌లు యువ‌త‌కు స్ఫూర్తిదాయ‌క‌మ‌ని ప‌టాన్‌చెరు ఎమ్మెల్యే గూడెం మ‌హిపాల్‌రెడ్డి(Mahipal Reddy ) అన్నారు.

Abdul Kalam | దివంగత రాష్ట్రపతి డాక్టర్ ఏపీజే అబ్దుల్ కలాం(Abdul Kalam) సేవ‌లు యువ‌త‌కు స్ఫూర్తిదాయ‌క‌మ‌ని ప‌టాన్‌చెరు ఎమ్మెల్యే గూడెం మ‌హిపాల్‌రెడ్డి(Mahipal Reddy ) అన్నారు. క‌లాం జయంతి సందర్భంగా పటాన్‌చెరు పట్టణంలోని ప్రభుత్వ డిగ్రీ కళాశాల ఆవరణలో గల ఆయన కాంస్య విగ్రహానికి పూలమాల వేసి వినమ్ర నివాళులు అర్పించారు. ఈ స‌ద‌ర్భంగా ఆయ‌న మాట్లాడుతూ.. దేశానికి ఆయన చేసిన సేవలను స్మరించుకున్నారు.

అబ్దుల్ క‌లాం అత్యంత నిరుపేద కుటుంబం నుండి జీవితాన్ని ప్రారంభించి దేశానికి రాష్ట్రపతి అయ్యారని గుర్తు చేశారు. త‌న‌ప్ర‌తిభ‌తో ఎన్నో ఆవిష్క‌ర‌ణ‌లు చేసి ర‌క్ష‌ణ రంగంలో భార‌త‌దేశం స‌గ‌ర్వంగా త‌ల ఎత్తుకునేలా చేశార‌న‌న్నారు. ఆయన జీవితం ప్రతి ఒక్కరికి ఆదర్శప్రాయమని కొనియాడారు. యువ‌త ఆ మ‌హ‌నీయుడి అడుగుజాడ‌ల్లో న‌డువాల‌ని సూచించారు. ఈ కార్యక్రమంలో మండల విద్యాశాఖ అధికారి నాగేశ్వరరావు నాయక్, సీనియర్ నాయకులు పరమేష్, అశోక్, శ్రీధర్ చారి, పృథ్వీరాజ్, వెంకటేష్, ఆశమ్, కొండల్, శ్యాం, షకీల్, రామ్మోహన్, వీరారెడ్డి, విద్యార్థులు పాల్గొన్నారు.