బీడనకను పొలము బిత్తర పడకను
గుద్దలినిల జేత గుబురు నరికి
వాన జల్లు రాక వడిసి పట్టియు తాను
భూమి దున్నె రైతు భూవరుండు!
భుజము పైన దంతె భూమిని చదునుకు
బరువు నెంత యున్న బాగ మోసి
పొలము చక్కబరచి పొడువు గూర్చెడి
లక్షణంబు గల్గు లక్ష్యకుండు!
గొర్రు బట్టి దున్న కోమలి విత్తుచు
సాలు సాగి పోవు చల్లగాను
కోడె జంట తోడ కోర్కె లింపారగ
భూమి నిచ్చు హాయి భూరిపంట!
పంటలన్ని పండ పకపక నవ్వులు
తల్లి పిల్ల లంత తనివి తీర
కరువు లోన పడ్డ కష్టాలు మర్చియు
ఇంట వెలుగు పంట యింపు మీర!
కష్టజీవి బతుకు కడగండ్లు భరియించి
పరుల కొరకు తాను పాట్లు పడును
ప్రజల హితుడు బహుళ పారవశండును
పుడమి లోన వెల్గు పుణ్యజీవి!
కేంద్ర ప్రభుత జూడ కేలు పూర్తిగను సాచి
రైతుల వరిసస్య రాశి కొనగ
పూర్తి మద్దతిచ్చి పూనిక తోడుయై
నపుడు కర్షకుల మది హర్షమొందు!!
డాక్టర్ గన్నోజు శ్రీనివాసాచారి
85558 99493