ఫలించిన అన్నదాతల ఉద్యమం

జూరాల ప్రాజెక్టు నుంచి సాగునీటిని విడుదల చేయాలని కొన్ని రోజులుగా రైతులు చేస్తున్న ఆందోళనలు, బీఆర్‌ఎస్‌ పార్టీ నిరంతర ఒత్తిడి ఫలించిందని మాజీ ఎమ్మెల్యే మర్రి జనార్దన్‌రెడ్డి అన్నారు. రైతుల ఆందోళనకు తలొగ్గిన ప్రభుత్వం బుధవారం నీటిని విడుదల చేసిందని తెలిపారు. రైతు పోరాట ఫలితంగా నీరు విడుదలైందంటూ హర్షం వ్యక్తం చేశారు.

• సర్కార్‌ మెడలు వంచిన బీఆర్‌ఎస్‌
• మాజీ ఎమ్మెల్యే మర్రి జనార్దన్‌రెడ్డి

నాగర్‌కర్నూల్‌, సెప్టెంబర్‌ 23 : జూరాల ప్రాజెక్టు నుంచి సాగునీటిని విడుదల చేయాలని కొన్ని రోజులుగా రైతులు చేస్తున్న ఆందోళనలు, బీఆర్‌ఎస్‌ పార్టీ నిరంతర ఒత్తిడి ఫలించిందని మాజీ ఎమ్మెల్యే మర్రి జనార్దన్‌రెడ్డి అన్నారు. రైతుల ఆందోళనకు తలొగ్గిన ప్రభుత్వం బుధవారం నీటిని విడుదల చేసిందని తెలిపారు. రైతు పోరాట ఫలితంగా నీరు విడుదలైందంటూ హర్షం వ్యక్తం చేశారు.

రైతుల పంటలను కాపాడేందుకు సాగునీరు అందించడం ప్రభుత్వ బాధ్యత అని పేర్కొన్నారు. రైతుల సమస్యలపై బీఆర్‌ఎస్‌ ఎప్పుడూ రాజీపడదని, ఎంతటి పోరాటానికైనా సిద్ధంగా ఉంటుందని చెప్పారు. జూరాల ఆయకట్టు పరిధిలోని ప్రతి ఎకరాకూ అవసరమైన సాగునీరు అందే వరకు ప్రభుత్వం నిరంతరం పర్యవేక్షించాలని డిమాండ్‌ చేశారు.