వానల్లేవని.. పంట దక్కదేమోనని.. పురుగుల మందు తాగి రైతు ఆత్మహత్య

పంట దిగుబడిపై ఆందోళనతో ఓ రైతు ఆత్మహత్యకు పాల్పడిన ఘటన ఆదిలాబాద్‌ జిల్లాలో చోటు చేసుకొన్నది. పోలీసులు తెలిపిన వివరాల ప్రకారం.. ఆదిలాబాద్‌ రూరల్‌ మండలం లాండసాంగ్వికి చెందిన తీగల రమేశ్‌ యాదవ్‌ (47) తనకున్న ఎనిమిదెకరాల భూమిలో వ్యవసాయం చేస్తున్నాడు. గతేడాది భూమిని తనఖా పెట్టి ప్రైవేట్‌గా రూ.15 లక్షల రుణం తీసుకున్నాడు. ఈ ఏడాది ఆశించిన స్థాయిలో వర్షాలు లేకపోవడంతో పంటలు సరిగా పండుతాయో లేదోనన్న ఆందోళనకు గురయ్యాడు.

• రుణభారంతో చేనులోనే కుప్పకూలిన రమేశ్‌
• ఆదిలాబాద్‌ జిల్లా లాండసాంగ్విలో ఘటన

ఎదులాపురం, సెప్టెంబర్‌ 27 : పంట దిగుబడిపై ఆందోళనతో ఓ రైతు ఆత్మహత్యకు పాల్పడిన ఘటన ఆదిలాబాద్‌ జిల్లాలో చోటు చేసుకొన్నది. పోలీసులు తెలిపిన వివరాల ప్రకారం.. ఆదిలాబాద్‌ రూరల్‌ మండలం లాండసాంగ్వికి చెందిన తీగల రమేశ్‌ యాదవ్‌ (47) తనకున్న ఎనిమిదెకరాల భూమిలో వ్యవసాయం చేస్తున్నాడు. గతేడాది భూమిని తనఖా పెట్టి ప్రైవేట్‌గా రూ.15 లక్షల రుణం తీసుకున్నాడు. ఈ ఏడాది ఆశించిన స్థాయిలో వర్షాలు లేకపోవడంతో పంటలు సరిగా పండుతాయో లేదోనన్న ఆందోళనకు గురయ్యాడు.

ఓ వైపు రుణభారం, మరోవైపు పంటల పరిస్థితిపై ఆందోళనతో మనస్తాపానికి గురైన రమేశ్‌ శనివారం సాయంత్రం చేనుకు వెళ్లి ఎంతకీరాలేదు. కుటుంబసభ్యులు వెళ్లి చూడగా అపస్మారక స్థితిలో పడిఉన్నాడు. వెంటనే దవాఖానకు తరలించగా.. పురుగుల మందు తాగి మృతిచెందినట్టు వైద్యులు వెల్లడించారు. భార్య పుష్ప ఫిర్యాదు మేరకు కేసు దర్యాప్తు చేస్తున్నట్టు ఆదిలాబాద్‌ రూరల్‌ ఎస్సై విష్ణువర్ధన్‌ తెలిపారు.