అహ్మాదాబాద్: ఐపీఎల్ కెరీర్కు స్వస్తి పలికేందుకు ధోనీ(Dhoni) సిద్ధంగా ఉన్నట్లు ఇటీవల కొన్ని సంకేతాలు అందిన విషయం తెలిసిందే. ఈ ఏడాది ఐపీఎల్ ఆరంభంలోనూ ఓ మ్యాచ్లో ధోనీ ఫిట్నెస్ సమస్యతో ఇబ్బందిపడ్డాడు. అయితే ఇక ధోనీ రిటైర్ అవుతాడని ఊహాగానాలు వినిపిస్తున్న నేపథ్యంలో.. ఈ యేటి ఐపీఎల్ టైటిల్ను చెన్నై జట్టు సొంతం చేసుకున్నది. ఐపీఎల్ ట్రోఫీని అయిదోసారి గెలిచిన తర్వాత ధోనీ మీడియాతో మాట్లాడారు. ఆ సమయంలో రిటైర్మెంట్పై అడిగిన ప్రశ్నకు ధోనీ బదులిచ్చాడు.
తానేమీ ఇప్పుడే రిటైర్మెంట్ ప్రకటించడం లేదని ధోనీ తెలిపాడు. 41 ఏళ్ల ధోనీ రాబోయే తొమ్మిది నెలలు తన ఫిట్నెస్పై ఫోకస్ పెట్టనున్నట్లు వెల్లడించాడు. వీలైనంత వరకు వచ్చే ఐపీఎల్ సీజన్లో ఆడేందుకు ప్రయత్నించనున్నట్లు తెలిపాడు. తన అభిమానులకు తన ఆటను గిఫ్ట్గా ఇవ్వాలనుకుంటున్నట్లు చెప్పాడు.
The interaction you were waiting for 😉
MS Dhoni has got everyone delighted with his response 😃 #TATAIPL | #Final | #CSKvGT | @msdhoni pic.twitter.com/vEX5I88PGK
— IndianPremierLeague (@IPL) May 29, 2023
వాస్తవానికి రిటైర్మెంట్ ప్రకటించడానికి ఇది ఉత్తమ సమయం అని, కానీ ఫ్యాన్స్ చూపిస్తున్న ప్రేమ, అభిమానం అనిర్వచనీయమని, వారికి థ్యాంక్స్ చెప్పడం ఈజీ పని అని, కానీ రాబోయే 9 నెలల మళ్లీ ప్రిపేర్ కావడం చాలా కష్టమైన పని అని ధోనీ తెలిపాడు. తాను వచ్చే ఐపీఎల్ ఆడే విషయం తన శరీరంపై ఆధారపడి ఉంటుందన్నాడు. మరో ఆరు లేదా ఏడు నెలల తర్వాత ఈ అంశంపై నిర్ణయం తీసుకునే అవకాశం ఉంటుందన్నాడు. ఒకవేళ వచ్చే సీజన్లో ఆడగలిగితే అప్పుడు అది గిఫ్ట్ అవుతుందన్నాడు.
Read More..
IPL 2023: ధోనీ.. జీవా.. భావోద్వేగ క్షణాలు.. ఆ బ్యూటీఫుల్ వీడియో చూడాల్సిందే