ఎన్‌హెచ్‌ఎం సమ్మెపై ప్రభుత్వం స్పందించాలి

నేషనల్‌ హెల్త్‌ మిషన్‌ (ఎన్‌హెచ్‌ఎం) ఉద్యోగుల సమ్మెపై ప్రభుత్వం వెంటనే స్పందించాలని, సీపీఐ రాష్ట్ర నాయకుడు, శాసన మండలి సభ్యుడు నెల్లికంటి సత్యం డిమాండ్‌ చేశారు.

• ఎమ్మెల్సీ నెల్లికంటి సత్యం

ఖమ్మం కమాన్‌బజార్‌, నవంబర్‌ 13 : నేషనల్‌ హెల్త్‌ మిషన్‌ (ఎన్‌హెచ్‌ఎం) ఉద్యోగుల సమ్మెపై ప్రభుత్వం వెంటనే స్పందించాలని, సీపీఐ రాష్ట్ర నాయకుడు, శాసన మండలి సభ్యుడు నెల్లికంటి సత్యం డిమాండ్‌ చేశారు. ఖమ్మం కలెక్టరేట్‌ ధర్నాచౌక్‌లో ఎన్‌హెచ్‌ఎం ఉద్యోగుల సమ్మె శిబిరాన్ని శుక్రవారం ఆయన సందర్శించి, మద్దతు తెలిపారు.

ఎన్‌హెచ్‌ఎం ఉద్యోగులను రెగ్యులరైజ్‌ చేయాలని లేదంటే వంద శాతం గ్రాఫ్‌ శాలరీ ఇవ్వాలని డిమాండ్‌ చేశారు. రూ.10 లక్షల హెల్త్‌ ఇన్సూరెన్స్‌, 180 రోజుల ప్రసూతి సెలవులు, క్యాడర్‌ గుర్తింపు ఇవ్వాలని కోరారు. ఈ సమస్యలపై మండలిలో చర్చిస్తామని పేర్కొన్నారు.