Visit:
Coronavirus | న్యూఢిల్లీ: దాదాపుగా ఐదేండ్లు అవుతున్నా ప్రపంచాన్ని అతలాకుతలం చేసిన కరోనా వైరస్‌ ఎక్కడి నుంచి బయటకు వచ్చిందన్నది ఇప్పటికీ మిలియన్‌ డాలర్ల ప్రశ్నగానే మిగిలిపోయింది. చైనాలోని వుహాన్‌ ల్యాబ్‌ నుంచే ఈ వైరస్‌ లీక్‌ అయినట్టు అప్పట్లో వార్తలొచ్చినా దీనిని నిరూపించే ఆధారాలు లభించలేదు. తాజాగా, ఈ విషయంలో అమెరికా ఓ నిర్ణయానికి వచ్చింది.
కరోనా వైరస్‌ వుహాన్‌ ల్యాబ్‌ నుంచే లీక్‌ అయి ఉండొచ్చని పేర్కొంది. దాదాపు పది లక్షలమందికిపైగా అమెరికన్లను పొట్టనపెట్టుకున్న కరోనా వైరస్‌పై రెండేళ్లపాటు సుదీర్ఘంగా జరిగిన దర్యాప్తు తర్వాత అమెరికా రిపబ్లికన్‌ నేతృత్వంలోని హౌస్‌ సెలక్షన్‌ కమిటీ ఈ విషయాన్ని స్పష్టం చేసింది.
