బీజింగ్: నాటో దళాల విస్తరణను ఖండిస్తూ ఇవాళ రష్యా, చైనాలు సంయుక్త ప్రకటన చేశాయి. వింటర్ ఒలింపిక్స్ గేమ్స్ ప్రారంభోత్సవం నేపథ్యంలో రష్యా అధ్యక్షుడు పుతిన్, చైనా అధ్యక్షుడు జీ జిన్పింగ్లు బీజింగ్లో భేటీ అయ్యారు. ఆ ఇద్దరి మధ్య చర్చలు జరిగాయి. పశ్చిమ దేశాలకు చెందిన నాటో దళాలు తెస్తున్న వత్తిడిని రెండు దేశాలు ఖండించాయి. తైవాన్ అంశంలో చైనాకు మద్దతుగా నిలుస్తున్నట్లు రష్యా ప్రకటించింది. ఆ ద్వీపకల్పానికి స్వాతంత్య్రాన్ని నిరాకరిస్తున్నట్లు రష్యా చెప్పింది. మరో వైపు ఉక్రెయిన్ అంశంలోనూ నాటో దళాలు చేస్తున్న హడావుడిని రెండు దేశాలు ఖండించాయి. ఉక్రెయిన్పై యుద్ధానికి వెళ్లడం లేదని రష్యా చెబుతున్నా.. ఆ రెండు దేశాల సరిహద్దుల్లో మాత్రం టెన్షన్ వాతావరణం ఉంది. చాలా స్నేహపూర్వక వాతావరణంలో పుతిన్, జిన్పింగ్ మధ్య చర్చలు జరిగినట్లు అధికారులు తెలిపారు. నాటో దళాలు ప్రచ్ఛన్నయుద్ధ వాతావరణాన్ని క్రియేట్ చేస్తున్నాయని, ఆకస్ సెక్యూర్టీ ఒప్పందం కూడా కలవరపెడుతున్నట్లు రెండు దేశాలు ఓ ప్రకటనలో పేర్కొన్నాయి.