బామ్మ బాగోగులు చూడాల్సిన వాడే బ‌రితెగించి..

caregiver in Englands Blackpool, Lancashire, was recently caught on camera raping a 99-year old dementia patient

లండ‌న్ : వ‌య‌సు తార‌త‌మ్యం, వావివ‌ర‌స‌ల‌ను మ‌రిచి కామాంధులు పేట్రేగుతున్నారు. ఇంగ్లండ్‌లోని బ్లాక్‌పూల్ లాంకాషైర్‌లో బామ్మ బాగోగులు చూసేందుకు ప‌నిలో కుదిరిన కేర్‌గివ‌ర్ వృద్ధురాలిపై లైంగిక దాడికి పాల్ప‌డ‌టం క‌ల‌క‌లం రేపింది. వృద్ధురాలి రూంలో ఆమె కుటుంబ స‌భ్యులు ఏర్పాటు చేసిన సీసీటీవీ కెమెరాలో ఈ దారుణం రికార్డు కావ‌డంతో నిందితుడు ఫిలిప్ క్యారీ రెడ్‌హ్యాండెడ్‌గా ప‌ట్టుబ‌డ్డాడు.

కేర్ హోంలో వృద్ధురాలిపై లైంగిక దాడికి పాల్ప‌డిన ఘ‌ట‌న‌లో నేరం అంగీక‌రించ‌డంతో ఫిలిప్‌కు న్యాయ‌స్ధానం యావ‌జ్జీవ ఖైదు విధించింది. ప్రిస్ట‌న్ క్రౌన్ కోర్టులో ఫిలిప్‌పై నేరారోప‌ణ‌లు నిర్ధార‌ణ అయ్యాయి. కేర్ హోంలో అరాచ‌కాల‌పై బాధితురాలు కుటుంబ స‌భ్యుల‌కు వివ‌రించి త‌న‌ను వ‌దిలివెళ్ల‌వ‌ద్ద‌ని ఆమె ప్రాధేయ‌ప‌డింది. దీంతో కేర్ హోంలో వారు సీక్రెట్ కెమెరాల‌ను అమ‌ర్చినా వారు భ‌య‌ప‌డినంతా జ‌రిగింది. క్యారీ ఫిలిప్ వృద్ధురాలి గ‌దిలోకి వ‌చ్చి ఆమెపై లైంగిక దాడికి పాల్ప‌డిన ఘ‌ట‌న వారిని లైవ్ పీడ్‌లో క‌నిపించింది.

ప్రాసిక్యూట‌ర్లు ఫోరెన్సిక్ ఆధారాలు, కెమెరా ఫుటేజ్ ముందుంచ‌డంతో కోర్టు ఎదుట ఫిలిప్ త‌న నేరాన్ని అంగీక‌రించాడు. ఫిలిప్ ప‌ట్ల వృద్ధురాలు, ఆమె కుటుంబం పెంచుకున్న న‌మ్మ‌కాన్ని భ‌గ్నం చేశాడ‌ని, ఆమెను కంటికి రెప్ప‌లా కాపాడాల్సిన నిందితుడు ఇంత‌టి దారుణానికి తెగ‌బ‌డ్డాడ‌ని న్యాయ‌స్ధానం పేర్కొంది. కోర్టు వ్య‌వ‌హారాలకు స‌హ‌క‌రించిన బాధితురాలి కుటుంబ‌స‌భ్యుల‌కు కృత‌జ్ఞ‌త‌లు తెలిపింది. నిందితుడిని క‌ఠినంగా శిక్షించ‌డం వారికి కొంత ఊర‌ట ఇచ్చి ఉంటుంద‌ని న్యాయ‌మూర్తి పేర్క‌న్నారు.