‘మా’ ఎన్నికల సంబంధం లేదు : పేర్ని నాని

ap minister perni nani key statement on maa elections | మూవీ ఆర్టిస్ట్ అసోసియేషన్ (మా) ఎన్నికలు సాధారణ ఎన్నికలను తలపిస్తున్నాయి. ప్రకాశ్‌రాజ్‌, మంచు విష్ణు ప్యానళ్ల మధ్య

అమరావతి : మూవీ ఆర్టిస్ట్ అసోసియేషన్ (మా) ఎన్నికలు సాధారణ ఎన్నికలను తలపిస్తున్నాయి. ప్రకాశ్‌రాజ్‌, మంచు విష్ణు ప్యానళ్ల మధ్య మాటలయుద్ధం కొనసాగుతున్నది. ఎన్నికల్లో విజయం తమదేనని ఒకరంటే.. కాదు మాదేనంటూ ధీమా వ్యక్తం చేస్తున్నారు. రెండు ప్యానెల్ సభ్యులు పెద్ద ఎత్తున ప్రచారం నిర్వహిస్తూనే.. మరో వైపు పరస్పరం విమర్శలు చేసుకుంటున్నాయి. ఎన్నికలకు సమయం దగ్గర పడుతున్న కొద్దీ.. ప్రకాశ్ రాజ్, మంచు విష్ణు మధ్య మాటల యుద్ధం పతాకస్థాయికి చేరింది.

ఈ నేపథ్యం ఎన్నికలపై ఏపీ సమాచార, పౌర సంబంధాలశాఖ మంత్రి పేర్ని నాని స్పందించారు. మా ఎన్నికలతో ఏపీ సర్కారుకు ఎలాంటి సంబంధం లేదని మంత్రి పేర్ని నాని తెలిపారు. సోమవారం ఆయన మాట్లాడుతూ మూవీ ఆర్టిస్ట్‌ అసోసియేషన్‌ ఎన్నికలతో వైఎస్సార్‌ కాంగ్రెస్‌ పార్టీకి, సీఎం జగన్‌కు ఎలాంటి లేదని స్పష్టం చేశారు. ఎన్నికల్లో తాము ఏ వ్యక్తినీ, ఏ వర్గాన్ని సమర్థించడం లేదని పేర్కొన్నారు. మా ఎన్నికలపై తమకు ఉత్సాహం లేదని, తెలుగు సినిమా పరిశ్రమ వర్గాలందరికీ ఈ విషయాన్ని విజ్ఞప్తి చేస్తున్నానన్నారు. మా ఎన్నికల ఈ నెల 10న జరుగనున్న విషయం తెలిసిందే.

చలన చిత్ర పరిశ్రమకు సంబంధించి జరుగుతున్నటువంటి మూవీ ఆర్టిస్ట్స్ అసోసియేషన్ ఎన్నికలతో @ysjagan గారికి కాని, ఆంధ్రప్రదేశ్ ప్రభుత్వానికి కాని, వైయస్ఆర్ కాంగ్రెస్ పార్టీకి కాని ఎటువంటి సంబంధం లేదు.

— Perni Nani (@perni_nani) October 4, 2021