Allu Arjun | 7వ ఫిల్మ్‌ఫేర్ అవార్డు సొంతం చేసుకున్న అల్లు అర్జున్.. చిరంజీవి రికార్డ్‌ని స‌మం చేశాడుగా..!

Allu Arjun | పుష్ప 2 చిత్రం తర్వాత ఐకాన్ స్టార్ అల్లు అర్జున్ రేంజ్ నిజంగా నెక్స్ట్ లెవల్‌కు చేరిందనే చెప్పాలి. ఈ సినిమా సృష్టించిన సంచలనం గురించి ఎంత చెప్పినా తక్కువే. మాస్, యాక్షన్, ఎమోషన్ ప్రతి అంశంలోనూ తన పీక్ పెర్ఫార్మెన్స్ చూపించిన అల్లు అర్జున్, బాక్సాఫీస్ వద్ద రూ.1300 కోట్లకు పైగా వసూళ్లు సాధించి సరికొత్త రికార్డులు నెలకొల్పారు.

Allu Arjun | పుష్ప 2 చిత్రం తర్వాత ఐకాన్ స్టార్ అల్లు అర్జున్ రేంజ్ నిజంగా నెక్స్ట్ లెవల్‌కు చేరిందనే చెప్పాలి. ఈ సినిమా సృష్టించిన సంచలనం గురించి ఎంత చెప్పినా తక్కువే. మాస్, యాక్షన్, ఎమోషన్ ప్రతి అంశంలోనూ తన పీక్ పెర్ఫార్మెన్స్ చూపించిన అల్లు అర్జున్, బాక్సాఫీస్ వద్ద రూ.1300 కోట్లకు పైగా వసూళ్లు సాధించి సరికొత్త రికార్డులు నెలకొల్పారు. ఈ చిత్రంలో పుష్పరాజ్ పాత్రకు గాను అల్లు అర్జున్ తాజాగా మరోసారి ఫిల్మ్‌ఫేర్ అవార్డును అందుకున్నారు. బెస్ట్ యాక్టర్‌గా ఈ గౌరవం అందుకోవడం ద్వారా ఆయన కెరీర్‌లో మొత్తం 7 ఫిల్మ్‌ఫేర్ అవార్డులు పూర్తయ్యాయి. యంగ్ హీరోల్లో ఇన్ని ఫిల్మ్‌ఫేర్ అవార్డులు అందుకున్న నటుడిగా బన్నీ టాప్‌లో నిలవడం విశేషం.

ఇక ఫిల్మ్‌ఫేర్ అవార్డుల సంఖ్యలో మెగాస్టార్ చిరంజీవికి అల్లు అర్జున్ సమానమయ్యాడు. చిరంజీవి తన కెరీర్‌లో 7 ఫిల్మ్‌ఫేర్ అవార్డులు అందుకోగా, ఇప్పుడు ‘పుష్ప 2’తో వచ్చిన ఈ అవార్డుతో బన్నీ కూడా అదే స్థాయికి చేరుకున్నారు. తక్కువ సినిమాలతో ఈ ఫీట్ సాధించడం విశేషమని సినీ వర్గాలు అభిప్రాయపడుతున్నాయి. మెగాస్టార్ చిరంజీవి లైఫ్ టైమ్ అచీవ్ మెంట్, స్పెషల్ లెజెండ్ అవార్డుతో కలుపుకొని 9 ఫిలిం ఫేర్ అవార్డులు ఉన్న హీరోగా నిలిచారు. కాగా, గ‌తంలో ‘పరుగు’, ‘వేదం’, ‘రేసు గుర్రం’ (క్రిటిక్స్), ‘రుద్రమదేవి’ (బెస్ట్ సపోర్టింగ్ యాక్టర్), ‘సరైనోడు’, ‘పుష్ప: ది రైజ్’ సినిమాలకు గాను ఫిలిం ఫేర్స్ అందుకున్నారు అల్లు అర్జున్.

సినిమాల విషయానికి వస్తే, ప్రస్తుతం అల్లు అర్జున్ తమిళ దర్శకుడు అట్లీతో భారీ ప్రాజెక్ట్ చేస్తున్నారు. హాలీవుడ్ రేంజ్‌లో రూపొందుతున్న ఈ సినిమా ప్రస్తుతం షూటింగ్ దశలో ఉండగా, 2027లో ప్రేక్షకుల ముందుకు వచ్చే అవకాశం ఉందని సమాచారం. మొత్తంగా ‘పుష్ప 2’తో బాక్సాఫీస్‌ను షేక్ చేసిన అల్లు అర్జున్, అవార్డుల పరంగా కూడా తన ఆధిపత్యాన్ని కొనసాగిస్తున్నారు.

 

70వ ఫిల్మ్‌ఫేర్ అవార్డ్స్ సౌత్ (తెలుగు) విజేతలు ..!

ఉత్తమ చిత్రం: పుష్ప 2: ది రూల్

ఉత్తమ దర్శకుడు: సుకుమార్ (పుష్ప 2: ది రూల్)

ఉత్తమ నటుడు – అల్లు అర్జున్ (పుష్ప 2: ది రూల్)

ఉత్తమ నటి – నివేదా థామస్ (35 చిన్న కథ కాదు)

ఉత్తమ సహాయ నటుడు: అమితాబ్ బచ్చన్ (కల్కి 2898 AD)

ఉత్తమ సహాయ నటి: అంజలి (గ్యాంగ్స్ ఆఫ్ గోదావరి)

ఉత్తమ నటి (క్రిటిక్స్): కాజల్ అగర్వాల్‌ (సత్యభామ)

ఉత్తమ నటుడు (క్రిటిక్స్): తేజ సజ్జ (హను-మాన్)

బెస్ట్ డెబ్యూ ఫిమేల్ – నయన్ సారిక (గం గం గణేశ)

బెస్ట్ డెబ్యూ మేల్ – సందీప్ సరోజ్ (కమిటీ కుర్రోళ్లు)

బెస్ట్ డెబ్యూ డైరెక్టర్ – యాధు వంశీ (కమిటీ కుర్రోళ్లు)

బెస్ట్ మ్యూజిక్ ఆల్బమ్: దేవిశ్రీ ప్రసాద్ (పుష్ప 2: ది రూల్)

బెస్ట్ ప్లేబ్యాక్ సింగర్ (మేల్): శ్రీకృష్ణ (కుర్చీ మడతపెట్టి- గుంటూరు కారం)

బెస్ట్ ప్లేబ్యాక్ సింగర్ (ఫీమేల్): శిల్పా రావు (చుట్టమల్లె – దేవర: పార్ట్ 1)

బెస్ట్ లిరిక్స్ – రామజోగయ్య శాస్త్రి (చుట్టమల్లె – దేవర: పార్ట్ 1)

బెస్ట్ కొరియోగ్రఫీ: శేఖర్ మాస్టర్‌ ( కుర్చీ మడతపెట్టి – గుంటూరు కారం)

బెస్ట్ ప్రొడక్షన్ డిజైన్: రామకృష్ణ-మోనికా (పుష్ప 2: ది రూల్) & నితిన్ జిహానీ చౌదరి (కల్కి 2898 AD)