ఫోటో ఫినిష్‌లో ఓడిన అజ‌య్ మాక‌న్‌

చండీఘ‌డ్‌: హ‌ర్యానా రాజ్య‌స‌భ ఎన్నిక‌ల్లో కాంగ్రెస్‌కు భారీ జ‌ల‌క్ త‌గిలింది. మాజీ మంత్రి అజ‌య్ మాకెన్ స్వ‌ల్ప తేడాలో ఓట‌మి పాల‌య్యారు. ఆ రాష్ట్రం నుంచి బీజేపీకి చెందిన కృష్ణ లాల్ ప‌న్వార్‌, స్వ‌తంత్య్ర అభ్య‌ర్థి కార్తికేయ శ‌ర్మ‌లు గెలుపొందారు. ప‌న్వార్‌కు 36 ఓట్లు పోల‌వ్వ‌గా, శ‌ర్మ‌కు 23 ఫ‌స్ట్ ప్రిఫ‌రెన్స్ ఓట్లు వ‌చ్చాయి, మ‌రో 6.6 ఓట్లు బీజేపీ ట్రాన్స్‌ఫ‌ర్ చేసింది. దీంతో ఆయ‌నకు 29.6 ఓట్లు పోల‌య్యాయి. అయితే మాజీ కేంద్ర మంత్రి అజ‌య్ మాకెన్‌కు కేవ‌లం 29 ఓట్లు మాత్ర‌మే ప‌డ్డాయి. దీంతో ఫోటో ఫినిష్ తేడాలో ఆయ‌న ఓట‌మి పాల‌య్యారు. సెకండ్ ప్రిఫ‌రెన్స్ ఓట్ల‌ను గెల‌వ‌డంలో మాకెన్ విఫ‌లం కావ‌డం వ‌ల్ల ఆయ‌న ప‌రాజ‌యం త‌ప్ప‌లేదు. కాంగ్రెస్ ఎమ్మెల్యే కుల్దీప్ బిష్ణాయ్ క్రాస్ ఓటింగ్ చేశారు. ఆయ‌న శ‌ర్మ‌కు ఓటేయ‌డంతో ఆ ఓటుకు అన‌ర్హ‌త ప్ర‌క‌టించారు.మ‌రో వైపు శ‌ర్మ‌కు బీజేపీ, జేజేపీ నుంచి మ‌ద్ద‌తు ల‌భించింది. మ‌హారాష్ట్ర త‌ర‌హాలో రాజ‌స్థాన్‌లో 8 గంట‌లు ఆల‌స్యంగా ఓట్ల లెక్కింపు జ‌రిగింది. బీజేపీ, స్వ‌తంత్య్ర అభ్య‌ర్థికి ఓటేసిన వారికి ఆ రాష్ట్ర సీఎం మ‌నోహ‌ర్ లాల్ ఖ‌ట్ట‌ర్ థ్యాంక్స్ తెలిపారు. 90 మంది స‌భ్యులు ఉన్న హ‌ర్యానాలో 89 మంది ఓటేశారు.