Visit:
అల్వాల్, సెప్టెంబర్ 23: నగరంలో కల్తీ పన్నీర్ దందా జోరుగా సాగుతోంది.అనుమానాస్పదంగా పాల ఉత్పత్తులను తరలిస్తున్న వాహనాన్ని అల్వాల్ పోలీసులు తనిఖీ చేసి భారీగా కల్తీ పన్నీర్ను పట్టుకున్నారు.అల్వాల్ ఎస్ఐ రామకృష్ణ వివరాల ప్రకారం.. ఈనెల 22న మధ్యాహ్నం అల్వాల్లో పెట్రోలింగ్ నిర్వహిస్తున్న పెట్రోల్ మొబైల్ సిబ్బంది ఎండి గౌస్ పాషా ,నాగరాజుకు టిఎస్ 09 పిఏ5421గల వాహనంపై అనుమానం వచ్చింది.
వాహనాన్ని ఆపి తనిఖీలు చేయగా అందులో పాలపొడి, పన్నీర్ ఉన్నట్లుగా గుర్తించారు. వాహనాన్ని పోలీసే స్టేషన్కు తరలించి పరిశీలించారు. వాహనంలో పన్నీర్ సుమారు 500 కిలోలు, పన్నీర్ తయారీకి వాడే పౌడర్ 50 కిలోల 2 బ్యాగులు స్వాధీనం చేసుకున్నట్లు పేర్కొన్నారు. కొంతకాలంగా పాల ఉత్పత్తులను సేకరించి పాలపొడితో కల్తీ పన్నీర్ తయారు చేసి వివిధ ప్రాంతాలకు సరఫరా చేస్తున్నారా అనే కోణంలో పోలీసులు విచారణ చేస్తున్నారు.
