Zomato Agent Delivers Food despite Losing Wallet | మనం ఎక్కడికైనా వెళ్తున్నప్పుడు సడెన్గా జేబులో పర్సు లేదనుకోండి ఏం చేస్తాం? వెంటనే వెనక్కు వెళ్లి పర్సు తెచ్చుకుంటాం. అదే ఎక్కడైనా పర్సు పోతే? అది దొరికే వరకూ ఉన్న పనులన్నీ మానేసి వెతుక్కుంటాం. కానీ ఒక జొమాటో డెలివరీ ఏజెంట్ మాత్రం అలా చేయలేదు.
డెలివరీ సమయంలో తన పర్సు పోయినా లెక్కచేయకుండా ఫుడ్ డెలివరీ అందించాడు. అంతేకాక రెండు నిమిషాలు ఆలస్యం అయినందుకు క్షమాపణలు చెప్పాడు. ఈ విషయాన్ని సచిన్ కాల్బాగ్ అనే ఒక జొమాటో యూజర్ ట్విట్టర్ ద్వారా వెల్లడించాడు. తన ఫుడ్ తీసుకోవడానికి రెస్టారెంటుకు వెళ్లినప్పుడు మనీష్ అనే డెలివరీ బాయ్ పర్సు పోయిందని, దాని కోసం అక్కడే ఆగకుండా తనకు ఫుడ్ డెలివరీ ఇచ్చాడని సచిన్ చెప్పాడు.
వృత్తిపై అతని నిబద్ధత చూసి తనకు మతిపోయిందని మెచ్చుకున్నాడు. దీనిపై స్పందించిన జొమాటో ఇలాంటి డెలివరీ పార్టనర్లతో పనిచేస్తున్నందుకు చాలా సంతోషంగా ఉందని, ఆ ఆర్డర్ వివరాలు తమకు ప్రైవేట్ మెసేజిలో పంపితే అతనికి సహాయం అందిస్తామని పేర్కొంది.
అయితే కొంతమంది ట్విట్టర్ యూజర్లు మాత్రం అతను అలా డెలివరీ ఇవ్వకపోతే అతనికి పెనాల్టీలు వేస్తారని, అందుకే అలా చేశాడని అంటున్నారు.