చెన్నైలో వైసీపీ ఎంపీ బీద మస్తాన్‌రావు కూతురు అరెస్టు

యాక్సిడెంట్‌ కేసులో వైసీపీ రాజ్యసభ సభ్యుడు బీద మస్తాన్‌రావు కూతురు మాధురి అరెస్ట్‌ అయ్యారు. చెన్నైలోని బిసెంట్‌నగర్‌లోని కళాక్షేత్ర కాలనీ సమీపంలో ఎంపీ కూతురు మాధురి నడుపుతున్న కారు ఫుట్‌పాత్‌పై దూసుకెళ్లింది.

యాక్సిడెంట్‌ కేసులో వైసీపీ రాజ్యసభ సభ్యుడు బీద మస్తాన్‌రావు కూతురు మాధురి అరెస్ట్‌ అయ్యారు. చెన్నైలోని బిసెంట్‌నగర్‌లోని కళాక్షేత్ర కాలనీ సమీపంలో ఎంపీ కూతురు మాధురి నడుపుతున్న కారు ఫుట్‌పాత్‌పై దూసుకెళ్లింది. ఈ ఘటనలో ఫుట్‌పాత్‌పై నిద్రిస్తున్న సూర్య అనే యువకుడు అక్కడికక్కడే ప్రాణాలు కోల్పోయారు. ఈ యాక్సిడెంట్‌పై కేసు నమోదు చేసుకున్న చెన్నై పోలీసులు దర్యాప్తు చేశారు. ఆ ప్రాంతంలో ఉన్న సీసీ టీవీ ఫుటేజ్‌లను పరిశీలించారు. ఈ క్రమంలో మాధురి నిర్లక్ష్యంగా కారు నడిపి యువకుడి మృతికి కారణమైనట్లుగా గుర్తించారు. దీంతో ఆమెను అరెస్టు చేసి కేసు నమోదు చేశారు. అనంతరం ఆమె బెయిల్‌పై బయటకు వచ్చినట్లు సమాచారం.