Watch: ఏనుగుతో ఫొటో కోసం అమ్మాయి యత్నం.. తర్వాత ఏం జరిగిందంటే?

Elephant Attacks Woman | ఒక అమ్మాయి ఏనుగుతో ఫొటో కోసం ప్రయత్నించింది. దాని వద్దకు ఆమె వెళ్లింది. అయితే భయపడిన ఆ ఏనుగు పిల్ల ఆమెపై దాడి చేసింది. తొండంతో తోయడంతో ఆ అమ్మాయి కింద పడింది. ఈ వీడియో క్లిప్‌ సోషల్ మీడియాలో వైరల్‌ అయ్యింది.

న్యూఢిల్లీ: ఒక అమ్మాయి ఏనుగుతో ఫొటో కోసం ప్రయత్నించింది. దాని వద్దకు ఆమె వెళ్లింది. అయితే భయపడిన ఆ ఏనుగు పిల్ల ఆమెపై దాడి చేసింది. తొండంతో తోయడంతో ఆ అమ్మాయి కింద పడింది. (Elephant Attacks Woman) ఈ వీడియో క్లిప్‌ సోషల్ మీడియాలో వైరల్‌ అయ్యింది. ఒక యువతి ఫ్రెండ్‌తో కలిసి ఎలిఫెంట్‌ సఫారీ ప్రాంతానికి వెళ్లింది. అక్కడ కొన్ని ఏనుగులు ఉన్నాయి. అయితే ఆహారం తింటున్న చిన్న ఏనుగు వద్ద ఫొటో దిగేందుకు ఆ అమ్మాయి ప్రయత్నించింది. గొలుసుతో చెట్టుకు కట్టేసి ఉన్న దాని సమీపానికి ఆమె వెళ్లింది.

కాగా, యువతి దగ్గరగా రావడం చూసి పిల్ల ఏనుగు కంగారుపడింది. తొండంతో ఆమెను తోసింది. దీంతో ఆ అమ్మాయి కింద పడింది. అనంతరం పైకి లేచి అక్కడి నుంచి వెళ్లిపోయింది. అయితే ఆమె ఫ్రెండ్‌ రికార్డ్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నెటిజన్లు ఆ యువతిపై మండిపడ్డారు. చాలా మంది ఆమె చర్యను తప్పుపట్టారు. కొంత దూరంలో ఉన్న తల్లి ఏనుగు వద్దకు ఆమె వెళ్లి ఉంటే ఏం జరిగి ఉండేదోనని కొందరు ఆందోళన వ్యక్తం చేశారు.

Girl tries to make friends with an elephant and finds out pic.twitter.com/DD5jGR6qjk

— non aesthetic things (@PicturesFoIder) February 21, 2024