కోల్కతా: వ్యవసాయ శాఖలో (Agricultural department) ఉద్యోగాల భర్తీకి నోటిఫికేషన్ వచ్చింది. ఓ ఉద్యోగార్థి దరఖాస్తు చేసుకున్నాడు. దానికి సంబంధించిన అడ్మిట్ కార్డు (Admit Card) అతని ఇంటికి వచ్చింది. ఇందులో విశేషం ఏముందని అనుకుంటున్నారా.. నోటిఫికేషన్ వచ్చింది, అతడు దరఖాస్తు చేసుకుంది 2016లో.. అడ్మిట్కార్డు అంతనికి అందింది 2023లో.. అంటే ఏడేండ్ల తర్వాత అన్నమాట. ఈ ఘటన పశ్చిమబెంగాల్లో జరిగింది.
2016 మార్చి నెలలో వ్యవసాయ శాఖలో అసిస్టెంట్ ఉద్యోగాల భర్తీకి సంబంధించి నోటిఫికేషన్ వెలువడింది. వర్ధమాన్ జిల్లాకు చెందిన ఆశిష్ బెనర్జీ (Ashish Banerjee) అని అభ్యర్థి ఆ ఉద్యోగం కోసం దరఖాస్తు చేసుకున్నాడు. నియామక పరీక్ష అదే ఏడాది డిసెంబర్లో జరిగింది. అయితే హాల్టికెట్ రాకపోవడంతో అతడు పరీక్షకు హాజరుకాలేకపోయాడు.
అయితే ఈ నెల 1న అతనికి ఓ మెయిల్ ఓ వచ్చింది. అదిచూసి అతడు ఆశ్చర్యానికి గురయ్యాడు. తీరా దానిని ఓపెన్ చేసి చూడగా ఏడేండ్ల కింద తాను దరఖాస్తు చేసిన అసిస్టెంట్ ఉద్యోగానికి సంబంధించిన అడ్మిట్కార్డు. ఇన్నేండ్ల తర్వాత హాల్టికెట్ రావడంతో షాక్ అయిన అతడు.. అసహనానికి లోనయ్యాడు. ఈ ఆలస్యానికి కారణం ఎవరు, అది ఇప్పుడు ఎందుకు వచ్చిందనే విషయమై సమగ్ర దర్యాప్తు చేయాలని డిమాండ్ చేశాడు. బాధ్యులపై చర్యలు తీసుకోవాలని కోర్టుకు వెళ్లనున్నట్లు స్పష్టం చేశాడు.