Tulip garden | తెరచుకున్న తులిప్‌ గార్డెన్‌.. కశ్మీర్‌ పర్యాటకులకు కనువిందు.. Video

Tulip garden | జమ్ముకశ్మీర్‌లో రంగురంగుల విరులు పర్యాటకులకు కనువిందు చేయనున్నాయి. ప్రతి ఏడాది మాదిరిగానే ఈ ఏడాది కూడా ఆసియా ఖండంలోనే అతిపెద్దదైన శ్రీనగర్‌లోని తులిప్‌ గార్డెన్‌ను పుష్పవర్ధన విభాగం అధికారులు తెరిచారు. ఏటా పుష్పాలు వికసించే సీజన్‌లో పర్యాటకుల సందర్శనార్థం ఈ గార్డెన్‌ను తెరుస్తుంటారు.

Tulip garden : జమ్ముకశ్మీర్‌లో రంగురంగుల విరులు పర్యాటకులకు కనువిందు చేయనున్నాయి. ప్రతి ఏడాది మాదిరిగానే ఈ ఏడాది కూడా ఆసియా ఖండంలోనే అతిపెద్దదైన శ్రీనగర్‌లోని తులిప్‌ గార్డెన్‌ను పుష్పవర్ధన విభాగం అధికారులు తెరిచారు. ఏటా పుష్పాలు వికసించే సీజన్‌లో పర్యాటకుల సందర్శనార్థం ఈ గార్డెన్‌ను తెరుస్తుంటారు. ఈ పూదోటలో ఐదు రంగుల్లో తులిప్‌ పుష్పాలు దర్శనమిస్తాయి. తులిప్‌ పూలతోపాటే చాలా రకాల ఇతర పుష్పాలు కూడా తులిప్‌ గార్డెన్‌కు వచ్చే పర్యాటకులను ఆకర్షిస్తాయి.

ప్రపంచవ్యాప్తంగా చాలా నగరాల్లో తులిప్‌ పూల గార్డెన్‌లు ఉన్నాయి. అయితే శ్రీనగర్‌లోని తులిప్‌ గార్డెన్‌ మాత్రం ఆసియా ఖండంలోనే అతిపెద్దది. ఈ గార్డెన్‌ విస్తీర్ణం ఒకటి కాదు, రెండు కాదు ఏకంగా 55 హెక్టార్‌లు ఉంది. ప్రతి ఏటా వసంత రుతువులో పుష్పాలు వికసిస్తున్నప్పుడు ఈ గార్డెన్‌ను తెరుస్తారు. అదేవిధంగా ప్రతి ఏడాది తులిప్ ఫెస్టివల్‌ పేరుతో ఉత్సవాలను కూడా నిర్వహిస్తారు.

గత ఏడాది ఏప్రిల్‌ 1వ తేదీ నుంచి 20వ తేదీ వరకు తులిప్‌ ఫెస్టివల్‌ జరిగింది. ఈ ఏడాది కూడా ఏప్రిల్‌లో తులిప్‌ ఫెస్టివల్‌ నిర్వహించనున్నారు. ఫెస్టివల్‌ తేదీలను త్వరలోనే ప్రకటించే అవకాశం ఉంది. కాగా తులిప్‌ గార్డెన్‌లోని రంగురంగుల తులిప్‌ పుష్పాలు, రకరకాల ఇతర పుష్పాలు పర్యాటకులకు కనువిందు చేయనున్నాయి. తులిప్‌ గార్డెన్‌లోని పుష్పాల అందాలను కింది వీడియోలో వీక్షించండి..

VIDEO | Asia’s largest tulip garden in #Srinagar, Jammu and Kashmir, opens for public.

(Full video available on PTI Videos – https://t.co/n147TvqRQz) pic.twitter.com/KBwSQ4xMfc

— Press Trust of India (@PTI_News) March 23, 2024