వీడియో: వంతెన‌పై ప్ర‌వాహాన్ని దాట‌బోయి న‌దిలో కొట్టుకుపోయిన యువ‌కుడు

Man washed away: వంతెన‌పై ఉధృతంగా ఉన్న ప్ర‌వాహాన్ని దాట‌బోయి ఓ యువ‌కుడు న‌దిలో కొట్టుకుపోయాడు. యువ‌కుడు న‌దిలో కొట్టుకుపోతున్న‌ దృశ్యాల‌ను

డెహ్రాడూన్‌: వంతెన‌పై ఉధృతంగా ఉన్న ప్ర‌వాహాన్ని దాట‌బోయి ఓ యువ‌కుడు న‌దిలో కొట్టుకుపోయాడు. ఉత్త‌రాఖండ్ రాష్ట్రం ఫ‌తేపూర్ ఏరియాలో ఈ ఘ‌ట‌న చోటుచేసుకుంది. యువ‌కుడు న‌దిలో కొట్టుకుపోతున్న‌ దృశ్యాల‌ను ఓ న్యూస్ ఏజెన్సీ ట్విట్ట‌ర్‌లో పోస్ట్ చేసింది. దానికి ‘యంగ్ మ్యాన్ వాష్డ్ అవే డ్యూ టు ఎ స్ట్రాంగ్ క‌రెంట్ ఇన్ ఎ రెయినీ డ్రెయిన్ ఇన్ ద ఫ‌తేపూర్ ఏరియా’ అనే క్యాప్ష‌న్‌ను జోడించింది.

ఈ భ‌యాన‌క వీడియో క్లిప్పింగ్ ఇప్పుడు నెట్టింట వైర‌ల్‌గా మారింది. ఈ క్లిప్పింగ్‌లో న‌ది ఉప్పొంగి వంతెన పైనుంచి ప్ర‌వ‌హిస్తున్న‌ది. వంతెన ఆవ‌లివైపు ఓ యువ‌కుడు బైకుపై కూర్చుని ఉండ‌గా, మ‌రో యువ‌కుడు న‌డుచుకుంటూ న‌దిని దాటే ప్ర‌య‌త్నం చేశాడు. కొన్ని అడుగులు వేయ‌గానే ప్ర‌వాహాన్ని త‌ట్టుకోలేక నీళ్ల‌లో జారిపడ్డాడు. వంతెన‌ పైనుంచి న‌దిలోప‌డి కొట్టుకుపోయాడు.

ఘ‌ట‌న‌పై స‌మాచారం అందుకున్న స్థానిక అధికారులు, పోలీసులు గాలింపు చ‌ర్య‌లు చేప‌ట్టారు. గ‌ల్లంతైన యువ‌కుడి జాడ ఇంకా తెలియ‌లేద‌ని అధికారులు తెలిపారు. గ‌ల్లంతైన యువ‌కుడు ఎవ‌రు అనేది కూడా ఇప్ప‌టివ‌ర‌కు గుర్తించ‌లేద‌ని చెప్పారు.

#WATCH | Uttarakhand: A young man washed away due to a strong current in a rainy drain in the Fatehpur area. The person is missing & search operation is underway, but so far nothing has been found: SDM Haldwani Manish Kumar Singh

(Source: viral video) pic.twitter.com/QzEzsXqjXf

— ANI UP/Uttarakhand (@ANINewsUP) September 18, 2022