లక్నో: ఒక కేసులో అరెస్టై జైలులో ఉన్న ఖైదీ లిక్కర్ షాపు వద్ద మద్యం కొన్నాడు. ఒక పోలీస్ దీనికి సహకరించాడు. ఈ వీడియో క్లిప్, ఫొటోలు సోషల్ మీడియాలో వైరల్ అయ్యాయి. ఉత్తరప్రదేశ్లోని హమీర్పూర్ జిల్లాలో ఈ సంఘటన జరిగింది. ఒక కేసులో అరెస్ట్ చేసి జైలుకు తరలించిన వ్యక్తిని కోర్టు విచారణ కోసం పోలీసులు బయటకు తీసుకొచ్చారు. అయితే సంకెళ్లతో ఉన్న ఆ ఖైదీ (handcuffed prisoner) మార్గమధ్యలో మద్యం షాపు వద్ద లిక్కర్ కొనుగోలు చేశాడు. ఆ వ్యక్తి వెంట ఉన్న ఒక పోలీస్ దీనికి సహకరించాడు. అటుగా వెళ్తున్న ఒకరు తన మొబైల్ ఫోన్లో దీనిని రికార్డ్ చేశాడు. దీంతో ఈ వీడియో క్లిప్తోపాటు ఫొటోలు సోషల్ మీడియాలో వైరల్ అయ్యాయి.
కాగా, ఈ విషయం పోలీస్ ఉన్నతాధికారుల దృష్టికి వెళ్లింది. దీంతో హమీర్పూర్ జిల్లా ఎస్సీ ఈ సంఘటనపై స్పందించారు. చేతికి బేడీలున్న ఖైదీ లిక్కర్ షాపు వద్ద మద్యం కొనడం, దానికి పోలీసులు సహకరించడంపై దర్యాప్తునకు ఆదేశించారు. అలాగే ఆ వ్యక్తి వెంట ఉన్న ఇద్దరు పోలీస్ అధికారులను సస్పెండ్ చేశారు.
थाना कुरारा क्षेत्र अंतर्गत पीआरडी द्वारा मुलजिम को शराब दिलाने की घटना के संबंध में पुलिस अधीक्षक हमीरपुर द्वारा दी गई बाइट::- pic.twitter.com/dfiVTDp29g
— HAMIRPUR POLICE (@hamirpurpolice) April 28, 2023