JP Nadda | రాజ్యసభా నాయకుడిగా జేపీ నడ్డా.. పీయూష్ గోయల్ స్థానం భర్తీ

JP Nadda | బీజేపీ జాతీయ అధ్యక్షుడు, కేంద్ర ఆరోగ్య శాఖ మంత్రి జేపీ నడ్డా రాజ్యసభా నాయకుడిగా నియమితులయ్యారు. కెమికల్స్ అండ్ ఫెర్టిలైజర్స్ మంత్రిత్వ శాఖను కూడా నిర్వహిస్తున్న ఆయన పీయూష్ గోయల్ స్థానాన్ని భర్తీ చేస్తారు.

న్యూఢిల్లీ: బీజేపీ జాతీయ అధ్యక్షుడు, కేంద్ర ఆరోగ్య శాఖ మంత్రి జేపీ నడ్డా (JP Nadda) రాజ్యసభా నాయకుడిగా నియమితులయ్యారు. కెమికల్స్ అండ్ ఫెర్టిలైజర్స్ మంత్రిత్వ శాఖను కూడా నిర్వహిస్తున్న ఆయన పీయూష్ గోయల్ స్థానాన్ని భర్తీ చేస్తారు. ప్రధాని మోదీ రెండో ప్రభుత్వంలో రాజ్యసభా నాయకుడిగా పీయూష్ గోయల్ ఉన్నారు. జేపీ నడ్డాతో సహా 11 మంది కేంద్ర మంత్రులు రాజ్యసభ సభ్యులుగా ఉన్నారు. కాంగ్రెస్ అధ్యక్షుడు మల్లికార్జున్ ఖర్గే రాజ్యసభలో ప్రతిపక్ష నేతగా ఉన్నారు.

కాగా, జేపీ నడ్డా కేంద్ర మంత్రిగా ప్రమాణ స్వీకారం చేసిన తర్వాత బీజేపీ జాతీయ అధ్యక్ష పదవికి రాజీనామా చేస్తారని ఊహాగానాలు వచ్చాయి. అయితే పార్టీ కీలక పదవిలో కూడా ఆయన కొనసాగుతారని తెలుస్తున్నది. 2020లో కేంద్ర హోంమంత్రి అమిత్‌ షా నుంచి బీజేపీ జాతీయ అధ్యక్షుడి బాధ్యతలను జేపీ నడ్డా స్వీకరించారు.