పంజాబ్‌లో ఢీకొన్న గూడ్స్‌ రైళ్లు

పంజాబ్‌లో రెండు గూడ్స్‌ రైళ్లు ఒకదానికి ఒకటి ఢీకొన్నాయి. ఈ ప్రమాద ఘటనలో ఇద్దరు లోకో పైలట్లు తీవ్రంగా గాయపడ్డారు. కొన్ని బోగీలు పట్టాలు తప్పాయి.

• ఇద్దరు లోకో పైలట్లకు గాయాలు

న్యూఢిల్లీ, జూన్‌ 2: పంజాబ్‌లో రెండు గూడ్స్‌ రైళ్లు ఒకదానికి ఒకటి ఢీకొన్నాయి. ఈ ప్రమాద ఘటనలో ఇద్దరు లోకో పైలట్లు తీవ్రంగా గాయపడ్డారు. కొన్ని బోగీలు పట్టాలు తప్పాయి. ఆదివారం ఉదయం సర్‌హింద్‌ రైల్వే స్టేషన్‌కు సమీపంలో ఓ గూడ్స్‌ రైలును వెనుక నుంచి వచ్చిన మరో గూడ్స్‌ రైలు ఢీ కొన్నదని రైల్వే పోలీస్‌ అధికారి ఒకరు మీడియాకు తెలిపారు.

అయితే ఈ ప్రమాదం కారణంగా ఒక గూడ్స్‌ రైల్‌ ఇంజిన్‌ పట్టాలు తప్పి మరో ప్యాసింజర్‌ రైలును ఢీ కొన్నదని ఆయన చెప్పారు. ఈ రైలు ప్రమాదంలో ఎవ్వరూ ప్రాణాలు కోల్పోలేదని, గాయపడ్డ ఇద్దరు లోకో పైలట్లను ఫతేగఢ్‌ సాహిబ్‌ ప్రభుత్వ దవాఖానకు తరలించి చికిత్స అందిస్తున్నామని రైల్వే పోలీస్‌ అధికారి వెల్లడించారు.