Watch: పామును పట్టుకుని ఇంట్లోకి తెచ్చేందుకు బాలుడు యత్నం.. తర్వాత ఏం జరిగిందంటే?

Toddler Plays With Snake | చిన్నారుల చేష్టలు వింతగా ఉంటాయి. భయమంటే తెలియని పిల్లలు సాహసాలు చేస్తుంటారు. అలాంటి ఒక బుడతడు ఏకంగా పాముతో ఆడుకున్నాడు (Toddler Plays With Snake). దానిని చేతితో పట్టుకుని ఇంటి లోపలకు తెచ్చేందుకు ప్రయత్నించాడు. ఇది చూసి కుటుంబ సభ్యులు భయపడిపోయారు.

July 16, 2023 / 05:50 PM IST

Watch: పామును పట్టుకుని ఇంట్లోకి తెచ్చేందుకు బాలుడు యత్నం.. తర్వాత ఏం జరిగిందంటే?

న్యూఢిల్లీ: చిన్నారుల చేష్టలు వింతగా ఉంటాయి. భయమంటే తెలియని పిల్లలు సాహసాలు చేస్తుంటారు. అలాంటి ఒక బుడతడు ఏకంగా పాముతో ఆడుకున్నాడు (Toddler Plays With Snake). దానిని చేతితో పట్టుకుని ఇంటి లోపలకు తెచ్చేందుకు ప్రయత్నించాడు. ఇది చూసి కుటుంబ సభ్యులు భయపడిపోయారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఒక బాలుడు పామును పట్టుకుని ఇంట్లోకి తీసుకురావడానికి ప్రయత్నించాడు. దీనిని చూసి ఆ ఇంట్లోని పెద్దలు షాక్‌ అయ్యారు. నేలపై కూర్చొన్న వారు ఒక్కసారిగా పైకి లేచి దూరంగా వెళ్లారు. అలాగే పామును లోపలకు తీసుకురావద్దని, బయటకు తీసుకెళ్లాలంటూ బాలుడికి సైగలు చేశారు. ఇంతలో ఒక వ్యక్తి ఆ బాలుడి మరో చేయి పట్టుకుని పాముతో సహా ఇంటి బయటకు తీసుకెళ్లాడు.

కాగా, ఇన్‌స్టాగ్రామ్‌లో షేర్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. సుమారు 1.5 కోట్ల వ్యూస్‌ వచ్చాయి. ఆరు లక్షల మందికిపైగా దీనిని లైక్‌ చేశారు. నెటిజన్లు పలు కామెంట్లు కూడా చేశారు. ఆ ఇంటి పెద్దల నిర్లక్ష్యాన్ని కొందరు విమర్శించారు. మాజీ ప్రియురాలిని తొలిసారి కుటుంబ సభ్యులకు పరిచయం చేసిన సంఘటన గుర్తుకు వచ్చిందని ఒకరు చమత్కరించారు. జంగిల్‌ బుక్ విలేజ్‌ బుక్‌గా మారిందని ఒకరు, యంగ్‌ మోగ్లీ చివరకు గ్రామానికి తిరిగి వచ్చాడని మరొకరు వ్యాఖ్యానించారు. పాము పెయిడ్‌ యాక్టర్‌గా మారిందని ఒక వ్యక్తి కామెంట్‌ చేశాడు.