Jaipur | జైపూర్ టపాసుల ఫ్యాక్టరీలో పేలుడు.. భారీ అగ్నిప్రమాదం.. ముగ్గురు మృతి

Jaipur : రాజస్థాన్ రాజధాని జైపూర్‌‌ పరిధిలో మంగళవారం ఘోర ప్రమాదం జరిగింది. ఒక టపాసుల ఫ్యాక్టరీలో పేలుడు జరగడంతో ముగ్గురు మరణించారు. మరికొందరు గాయపడ్డారు. దీనిపై ఇంకా పూర్తి సమాచారం తెలియాల్సి ఉంది.

Jaipur : రాజస్థాన్ రాజధాని జైపూర్‌‌ పరిధిలో మంగళవారం ఘోర ప్రమాదం జరిగింది. ఒక టపాసుల ఫ్యాక్టరీలో పేలుడు జరగడంతో ముగ్గురు మరణించారు. మరికొందరు గాయపడ్డారు. దీనిపై ఇంకా పూర్తి సమాచారం తెలియాల్సి ఉంది. జైపూర్ పరిధి, నాగోరియన్ ప్రాంతంలోని ఒక టపాసుల పరిశ్రమలో ఈ పేలుడు జరిగింది.

ఉదయం 11.30 గంటలకు ఈ ప్రమాదం జరిగినట్లు తెలుస్తోంది. అగ్నిప్రమాదం కారణంగా మంటలు భారీగా వ్యాపించాయి. చుట్టూ పొగలు అలుముకున్నాయి. ఈ మంటలు, పొగల ధాటికి అక్కడ పనిచేస్తున్న కార్మికుల్లో ముగ్గురు మరణించారు. మరికొందరు గాయపడ్డారు. ఈ ప్రమాదంపై పోలీసులు, ఫైర్ డిపార్ట్‌మెంట్‌కు సమాచారం అందిన వెంటనే పోలీసులు, ఫైర్ సిబ్బంది, సహాయక బృందాలు అక్కడికి చేరుకున్నాయి. చాలాసేపు శ్రమించి అక్కడి మంటల్ని ఆర్పేశారు. గాయపడ్డవారిని ఆస్పత్రికి తరలించారు. ఈ ఘటనపై పోలీసులు విచారణ జరుపుతున్నారు.

ఫోరెన్సిక్ నిపుణులు ఘటనాస్థలం నుంచి ఆధారాలు సేకరిస్తున్నారు. టపాసుల పరిశ్రమలో ఎలాంటి టపాసులు తయారు చేస్తున్నారు, ఏ మెటీరియల్ వాడుతున్నారు, ఎంత మంది పని చేస్తున్నారు వంటి అంశాలపై ఆరా తీస్తున్నారు. ఇక, ఈ ప్రమాదానికి గల అసలు కారణం ఇంకా తెలియలేదు. దీనిపై కూడా పోలీసులు విచారణ జరుపుతున్నారు.